Vivel de la Sierra

De Biquipedia
Ir a la navegación Ir a la búsqueda
Este articlo tracta sobre Vivel de la Sierra, lugar de la provincia de Zaragoza. Pa atros usos de la parola vivel vaiga a Vivel (desambigación).
Vivel de la Sierra
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Zaragoza province (with coat of arms).svg Zaragoza
Aranda
Sestrica
Altaria 904 m.
Distancia
 • 6 km
 • 96 km

enta Sestrica
enta Zaragoza
Codigo postal 50248

Vivel de la Sierra ye un lugar de lo municipio de Sestrica, en la comarca d'Aranda y en la provincia de Zaragoza. La suya población ye d'un poquet menos de 50 habitants.

Toponimia[editar | editar código]

Ye un toponimo transparent en aragonés. Vivel ye una variant de Viver, que significa zona d'una estiva u prau, a on que l'augua freatica gosa amaneixer en la superficie y fa de naixedero pa bell rigachuelo. Atros dobletz pareixius en aragonés son esparver-esparvel y vercher-verchel. Las mencions en latín u en aragonés medieval gosan estar como Viver de la Sierra. Manimenos dende lo sieglo XVI tamién s'escribe Vivel de la Sierra[1] en castellán, forma que encara se conserva en l'actual parla castellana local.

Una de las primeras mencions ye en la "Bula de Lucio III" (1182):

...Ecclesiam de Embit cum pertinenciis suis, Ecclesiam de Viver de la Sierra cum pertinenciis suis, Ecclesiam de Turealba cum pertinenciis suis,...

En lo "Libro Chantre" (1382) s'escribe Viver de la Sierra:

Item en la yglesia de Viver de la Sierra ha el Sennyor Vispe todos sus drechos en decimas et otras cosas segunt en Annynon.

En lo "Libro d'el reparo d'el Cheneral d'Aragón (1489-1498)" s'escribe tamién Viver de la Sierra:

Item de Viver de la Sierra por XXXII fuegos, a razón de XIII sueldos por fuego...[2]

En lo "Itinerario del Reyno de Aragón (1610-1611)" de que João Batista Labanha se nombra como Bibel de la Sierra:

Puroy (estimado) do P. a Sep. 45. gr. 4. L. / Bibel de la Sierra (estimado) do P. a Sep. 33. gr. 5. L. [3]

Cheografía[editar | editar código]

Ye situau entre los cerros de la Sierra de la Virchen.

Historia[editar | editar código]

Perteneixió a la Sexma del río Canyada adintro de la Comunidat de Calatayú. Tenió la categoría d'aldeya dica 1711, prenendo la de lugar por lo menos dende 1785.

Referencias[editar | editar código]

  1. (es) Ángel San Vivente: Dos registros de tributaciones y fogajes de 1.413 poblaciones de Aragón correspondientes a las Cortes de los años 1542 y 1547. Universidad de Zaragoza, Facultad de Filosofía y Letras, Departamento de Geografía, 1980 p 70, p 153.
  2. (es) María Isabel Falcón Pérez: Libro del reparo del General de Aragón (1489-1498): fogajes de 1489, 1490 y 1491. Anubar, 1987.
  3. (es)(pt) João Baptista Lavanha, Lupercio Leonardo y Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Editors: Faustino Sancho y Gil, Establecimiento tipográfico del Hospicio provincial, 1895.

Vinclos externos[editar | editar código]


Lugars de lo municipio de Sestrica
Sestrica | Vivel de la Sierra