Villafranca (Castellón)

De Biquipedia
Ir ta: navego, busca
Ta atros emplegos d'o toponimo Villafranca se veiga Villafranca (desambigación).
Villafranca
Municipio d'o País Valencián
Escudo d'armas
Vilafranca.jpg Anvista de Villafranca.
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
País Valencián
Castellón
Alto Mayestrato
Superficie 93,80 km²
Población
 • Total

2289 hab. (2016)
Altaria 1.125 m.
Distancia
 • 82 km

enta Castellón de la Plana
Codigo postal 12150
Coordenatas
40°25′30″N 0°15′21″U
Villafranca en País Valencián
Villafranca
Villafranca
Situación de Villafranca en País Valencián
www.ajuntamentdevilafranca.es

Villafranca (Villafranca del Cid oficialment en castellán) ye un municipio de lo País Valencián que se troba en la comarca de l'Alto Mayestrato. La suya población ye de 2.540 habitants (2010), en una superficie de 93,80 km² con una densidat de población de 27,08 hab/km².

Cheografía[editar | editar código]

Lo municipio de Villafranca se troba situato en a muga occidental de la provincia de Castellón, a 82 km de distancia de la capital. Lo lugar ye en un plano alto a 1.125 m, manimenos la resta de lo termin ye muito accidentato y destacan entre las prencipals alturas lo Tossal dels Montllats (1.643 m), lo Tossal del Mas de Coder (1.467 m), lo Tossal del Mas d'Altava (1.426 m), lo Torral del Mas de la Tosca de Dalt (1.379 m), lo Tossal d'Arriello (1.314 m y con nombre aragonés derivato de l'apellito toponimico que prene nombre de Riello) y el Canto del Picaio (1.305 m). En la parte més baixa de lo termin se troba lo río Montleón a 710 m sobre lo nivel de la mar. Los puntos més altos son de piedra calsinera que a vegatas s'ha erosionato dando formas curiosas como en lo parache de Les Coves del Forcall.

Mugas[editar | editar código]

Villafranca en la comarca de lo Baixo Mayestrato

Lo suyo termin municipal muga con Lo Portiel, con Castellfort, con Aras, Benazal, Vistabella, Mosqueruela y La Iglesuela.

La Iglesuela Lo Portiel, Castellfort, Aras
La Iglesuela, Mosqueruela Rose des vents2.png Benazal
Mosqueruela Vistabella Benazal

Historia[editar | editar código]

Puent gotico sobre lo Río de las Truitas.

La fundación de lo lugar se produció lo 7 de febrero de 1239 en la zona dita huei Pobla de Sant Miguel. Lo fundador estió Blasco d'Alagón, que Villafranca lo diciba en latín como Rivus Truitarum u Rivo de las Truytas. Lo puent gotico que cruza lo Río de las Truitas estió lo que Chaime I emplegó pa entrar ta tierras valencianas la primera vegata, seguntes lo Llibre dels Feyts.

Cambeyó lo nombre pa expresar que yera una villa (no dependient de Moriella) y franca, libre, que dependeba dreitament de lo rei.

Dimpués de perteneixer a la Casa d'Alagón, a la d'Anglesola y de tornar ta la Casa d'Alagón s'incorporó a los Térmens Generals del Castell de Morella lo 14 de mayo de 1303. Lo 27 d'aviento los villafranquins se rebeloron contra las decisions de los churatos morellans, empecipiando una luita por la suya independencia de Moriella que duró quatro sieglos.

Tamién i heba disputas territorials por lo Castiello del Mallo y la pedanía-santuario de la Estrella, entre 1335 y 1340.

Toponimia[editar | editar código]

Lo primer nombre que ha tenito ha estato Río de las Truitas u Riu de les Truites, nombre que conserva l'actual Riu de les Truites entre los termins de La Iglesuela y Villafranca. Lo nombre orichinal lo cambeoron por Vilafranca en catalán y Villafranca en aragonés u castellán.

Por muitos anyos s'ha emplegato pa Villafranca nombres historicament incorrectos. La que s'ha bisto más a sobén ye Villafranca del Cid u Vilafranca del Cid. S'emplegó por primera vegata en 1749 y se cheneralizó en a epoca d'Isabel II. Con este nombre no se prebaba de chustificar la presencia de la palabra Cid como tributo a lo famoso mercenario Rodrigo Díaz de Vivar, que morió 140 anyos antes de la fundación de lo lugar, se prebaba d'adaptar la palabra arabe Zeit que seguntes esta teoría emplegarían los habitadors de lo lugar pa referir-se a Blasco d'Alagón. Esta explicación no tien base historica.

Atra denominación incorrecta ye la de Villafranca del Maestrazgo u Vilafranca del Maestrat, probable invención de Sanchis Guarner en 1950 y que no tien sentito porque se creyó franca (libre) y no podeba depender de los Templers, ni de lurs succesors de Montesa. Villafranca ha perteneixito historicament a Los Puertos de Moriella dica que la Cheneralidat Valenciana lo mete en la comarca de l'Alto Mayestrato.

La denominación correcta ye, doncas, Villafranca u Vilafranca, sin apelativos ni castellán ni en catalán.

Vinclos externos[editar | editar código]


Municipios d'a comarca de l'Alto Mayestrato
Albocázar | Aras | Benazal | Villafranca | Catín | Cuéllar | Térich | La Torre d'En Besora | Vilar de Canes