Túnel de Petralba

De Biquipedia
Ir a la navegación Ir a la búsqueda
Iste articlo tracta sobre o túnel de Petralba en a carretera N-260. Pa atros emplegos d'o toponimo Petralba se veiga Petralba (desambigación).
O túnel de Petralba

O túnel de Petralba[1] (en castellán túnel de Pedralba) ye un túnel d'a carretera que une Samianigo y Fiscal por Yebra de Basa. Recibe iste nombre porque pasa por debaixo d'o collau de Petralba, en a sierra de Canciás.

Historia[editar | editar código]

Iste nuevo trampo, de bells 23 km, se creyó como o cierre de l'Eixe Pirinenco (Cantabrico-Mediterranio / A-21 + N-260) y a suya apertura significó un estalvio d'alto u baixo 23 km en privar d'haber d'ir-ie dica Broto y Biescas, privando-se antimás a-saber-las travesías y o complicau puerto de Cotefablo, con una carretera prou estreita y sinuosa y que presenta a sobén problemas de trafico d'hivierno debiu a la suya gran altaria (1.423 m) y a o túnel que lo corona, que ye prou antigo y estreito. A nueva carretera Samianigo-Fiscal pasó a decir-se N-260a, mientres que o paso por o Cotefablo pasó a denominar-se N-260b. As primeras planificacions d'iste trampo carretero datan de 1936.

As obras d'a Samianigo-Fiscal prencipioron en 2003 y rematoron en chulio de 2012. A obra, que trescruza entornos d'especial intrés ecolochico, presentó a-saber-los retrasos por paros biolochicos a os que luego se sumoron os grieus problemas en as perforacions d'os túnels de Petralba y Cerro de Berroy (163 m).

Caracteristicas[editar | editar código]

O túnel de Petralba ye un moderno túnel carretero monotubo de doble carril que forata a sierra de Canciás. En l'inte d'a suya inauguración o 5 de chulio de 2012, os suyos 2.598 metros lo situaban como o tercer túnel carretero d'Aragón y el 26º de Espanya por largaria. Disposa d'una galería de evacuación paralela con galerías de comunicación cada 300 metros, una calzada de 7 metros con dos carrils, arcens de 1,5 metros y totz os sistemas de ventilación y seguridat habituals.

Referencias[editar | editar código]

Vinclos externos[editar | editar código]