Valdés

Valdés
Concello d'Asturias
Casa de lo Concello de Valdés.
Entidat  • Estau  • Comunidat  • Comarca	Concello Espanya  Asturias Comarca de l'Eo-Navia
Superficie	353,52 km²
Población  • Total	12 243 hab. (2016)
Codigo postal	33700
Coordenadas
Valdés Situación d'Valdés en Asturias

Valdés ye un concello asturiano, situato en la comarca d'Eo-Navia y partito chudicial de Valdés. La suya capital ye lo lugar de Ḷḷuarca, en la parroquia de Ḷḷuarca.

La suya población ye de 13.241 habitants (2011), en una superficie de 353,52 km² y una densidat de población de 37,45 hab/km².

Cheografía

Parroquias

Lo concello de Valdés ye dividiu en 15 parroquias:

• Alienes
• Arcayana
• Ayones
• Barcia
• Cadavéu
• Caneiru
• Carcéu
• Castañéu
• La Figal
• Ḷḷuarca
• Muñás
• Outur
• Paredes
• Riunegru
• Santiáu d'Arriba
• Trevías

Mugas

Lo suyo termin municipal muga a lo norte con la mar Cantabrica, a l'este con Cuideiru y Salas, a l'ueste con Navia y Villayón y a lo sud con Tinéu y Salas.

Luengas y parlas

En Valdés se charra l'astur-leyonés, en grau abanzau de sustitución por part de lo idioma castellán. La parla astur-leyonesa de Valdés se clasifica en l'astur-leyonés occidental, a on s'incluye l'asturián occidental.

Adintro de l'asturián occidental la parla de Valdés fa part chunto con a parla de Tinéu y de Cangas del Narcea de l'aria C de las tierras baixas de l'ueste, con un vocalismo que coincide con las arias A y B. Las suyas caracteristicas son:

• Terminación -oiru u -oira con metatesi de -i-: versatoriu> versadoiro, Cubertoira
• Consonantismo que coincide con l'aria A pa -y- procedent d'os grupos latins -K'L- y -LY-: muyer, vieya.
• Consonantismo que coincide con l'aria B en la solución /ḷḷ/: ḷḷuna, vaḷḷe, ḷḷave, ḷḷover, ḷḷama, de fueras d'en posición interior: ayalga
• Coexistencia de resultaus /-ch-/ y /-ḷḷ-/ inicial pa los grupos /pl-, kl-, fl-/: chuver / ḷḷover.
• Epentesi d'una /u/ por lo influxo de /w/ en la silaba vinient: augua, lleugua, yeugua, fraugua, etc. .