Pravia

Pravia
Concello d'Asturias
Ilesia de Santianes de Pravia.
Entidat  • Estato  • Comunidat  • Comarca	Concello Espanya  Asturias Comarca d'Avilés
Superficie	102,96 km²
Población  • Total	8502 hab. (2016)
Codigo postal	33120
Coordenatas
Pravia Situación d'Pravia en Asturias

Pravia ye un concello asturiano, situato en la comarca d'Avilés y partito chudicial de Pravia. La suya capital ye la villa de Pravia, en la parroquia de Pravia.

La suya población ye de 8.995 habitants (2011), en una superficie de 102,96 km² y una densidat de población de 87,36 hab/km².

Cheografía

Parroquias

Lo concello de Pravia ye dividiu en 15 parroquias:

Arangu Cordoveiru Courias Escoréu Folgueras

Inclán Muros Pravia Pronga Quinzanas

Sandamías Santianes Selgas Villafría Villavaler

Mugas

Lo suyo termin municipal muga a lo norte con Cuideiru y Muros de Nalón, a l'este con Candamu y Sotu'l Barcu, a l'ueste con Cuideiru y Salas y a lo sud con Candamo y Salas.

Luengas y parlas

En Pravia se charra l'astur-leyonés. La parla astur-leyonesa de Pravia se clasifica en l'astur-leyonés occidental, a on s'incluye l'asturián occidental. La parla de Pravia fa part de l'aria A chunto con la parlas parlas de Muros, Candamu y Grau y se caracteriza por lo vocalismo común de l'asturián occidental y por un consonantismo propio de l'asturián central:

• Diftongos decreixients -éi-, -óu- derivaus de los diftongos decreixients latins -AI- y -AU-: veiga, cantéi, touro, cantóu,
• Diferents formas de pronunciar o diftongos romances derivaus d'as vocals curtas latinas Ĕ, Ŏ: /ié-ya/ yara/yera, ya/y, /ué-uá-uó/ puablu-pueblu-puoblu.
• Particularidatz en los plurals: -u-us, -i -is, -a/-as // u-os, -u-es. -a/-es: gatu gatus, fonti/fontis, vaca/ vacas. En bells lugars como Pravia y Cuideiru se da una fuerte tendencia a cerrar las vocals finals en -i y -u.
• Terminación -oriu u -oria: Cobertoria, taladraoria, casoriu.
• /ll/ pa los derivaus de /l-, -ll-, pl-, kl-, fl-/: lluna, valle, llave, llover, llama, pero en posición interior, a on se fa -y-: ayalga.
• /ñ/ pa /-nn-/: cabaña; y freqüencia de /ñ/ inicial: ñarbasu, ñarigón.
• /ch/ provinient de /kt, ult/: trucha, cuchu, munchu.
• /y/ provinient de /ly, k'l/: muyer, vieya. Particularidat d'esta aria ye que /-y-/ dezaga de vocal palatal puet desapareixer: ouvea - ouveya, ourea - oureya.

En lo plan morfolochico ye remarcable que en bells lugars como Santianes de Pravia bi ha concordancia de sustantivos femenins con adchectivos remataus en -u: La tierra tá ricudíu.