Ayer (Asturias)

	Ayer; Aller
	Concello d'Asturias
	; Casa d'a Villa d'Ayer.
Entidat; • Estau; • Comunidat; • Comarca	Concello; Espanya; Asturias; Comarca d'o Caudal
Superficie	375,89 km²
Población; • Total; • Densidat	; 10 012 hab. (2013); 35,70 hab/km²
Altaria; • Meyana	; 2123 m.
Alcalde	David Moreno Bobela
Codigo postal	33686
Río	Río Ayer
Coordenadas	43° 6’21’’N 5°34’49’’U
	Ayer Ayer en Asturias
	Web oficial

Ayer (en castellano Aller) ye un concello d'a comunidat autonoma uniprovincial d'o Prencipau d'Asturias, en a comarca d'o Comarca d'o Caudal.

A suya población ye de 13.421 habitants (2006) en una superficie de 375,89 km², con una densidat de población de 35,7o hab/km².

Cheografía

O termin municipal d'Ayer muga a lo norte con Mieres, a lo sud con a provincia de Leyón, a l'este con Llaviana, Casu y Sobrescobiu y a l'ueste con Ḷḷena.

Trescruzau por o río d'o mesmo nombre, fa parti chunto con os concellos de Ḷḷena y Mieres d'a cuenca menera d'o Caudal.

Economía

A suya prencipal actividat economica ha estato a menería d'o carbón, mas que mas en o cobaixo d'a val, amás de l'agricultura y a ganadería. O curso baixo d'o río Ayer, amán d'o suyo forcallo con o Caudal, forma una val funda entre laderas cubiertas de selvas. Mandan o paisache as torres d'os pozos de carbón y as edificacions d'os lugars meneros.

Río entalto se plega dica Cabanaquinta, capital d'o concello dende 1869, dimpués d'a cual o paisache se transforma a moniquet en una val d'alta montanya que remata en o puerto de San Isidro (1.520 m), muga d'Asturias con Leyón. A polideza d'iste paisache y l'atracción d'a leyonesa estación d'esquí en o puerto han feito que bi hese un gran creiximiento d'o sector turistico en os zaguers anyos, destacando a localidat de Felechosa, a 13 km de l'alto.