Mar Cantabrica
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Mar Cantabrica Mar Cantábricu - Kantauri Itsasoa | ||
| Localización administrativa | ||
|---|---|---|
| Estau |  Espanya /  Francia
| |
| División |  Galicia Asturias Cantabria País Basco
|
|
| Cheografía | ||
| Oceano | Oceano Atlantico | |
| Ciudatz costeras | Xixón, Santander , Sant Sabastián, Biàrritz, Bayona | |
| Accidents | ||
| • Golfos y badías | Golfo de Bizcaya | |
| • Cabos | Estaca de Bares | |
| Largaria costa | 800 km | |
| Mapa | ||
 | ||
A mar Cantabrica ye a mar litoral de l'Oceano Atlantico que banya a costa norte d'a Peninsula Iberica (Galicia, Asturias, Cantabria y País Basco) y a costa sudueste de Nueva Aquitania, formando a parti sur d'o golfo de Bizcaya (u golfo de Gascunya).
S'extiende dende a estaca de Bares, en a provincia d'a Corunya, dica a desembocadura d'o río Ador, en as costas d'Aquitania (cerca de Bayona).
Cheolochía[editar | modificar o codigo]
A plataforma continental d'esta mar ye estreita y a suya espuenda continental tien muita pendient.[1]. A lo piet de la espuenda continental bi ha un complexo d'acreción fósil que estió activo entre o Eoceno y o Mioceno.
A evolución d'o fondón d'a Mar Cantabrica ha estau condicionada por l'apertura de l'Atlantico Norte, seguida d'a rotación d'a placa iberica y d'a suya colisión con a placa euroasiatica en a orochenia alpina con a formación d'os Pireneus y os Monts Basco-cantabricos.
En o centro d'a Mar Cantabrica bi habió ixamplamiento d'o fondón oceanico por o menos dende fa 125 millons d'anyadas dica fa 75[2], as marguins continentals d'a placa iberica yeran alavez marguins pasivos, pero dimpués pasoron a estar marguins activos quan encomenzó una fase compresiva que afectó a esta marguin mientres o paleocheno.[1]
Dende o Paleoceno dica o Mioceno inferior bi habió subducción de crosta oceanica baixo a placa iberica en l'actual Golfo de Bizcaya, se formó un complexo d'acreción a lo piet d'a marguin continental y s'alzó a Cordelera Basco-Cantabrica.[1]
Referencias[editar | modificar o codigo]
- ↑ 1,0 1,1 1,2 (es) Fernando López: Geología. Editorial McGraw-Hill, 1999. p 327-329.
- ↑ (es) Francisco Anguita Virella: Origen e historia de la Tierra. Editorial Rueda, 1988, p 235.
Bibliografía[editar | modificar o codigo]
- (es) Francisco Anguita Virella: Origen e historia de la Tierra. Editorial Rueda, 1988.