Twins (cinta de 1988)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre una cinta de comedia estausunidense de 1988; ta atros usos, se veiga Twins.
Twins
Títol Twins
Póster d'a cinta.
Póster d'a cinta.
Ficha tecnica
Dirección Ivan Reitman
Producción Ivan Reitman
Guión orichinal William Davies
Timothy Harris
William Osborne
Herschel Weingrod
Musica Georges Delerue
Randy Edelman
Fotografía Andrzej Bartkowiak
Montache Donn Cambern
Sheldon Kahn
Vestuario Gloria Gresham
Actors Arnold Schwarzenegger
Danny DeVito
Kelly Preston
Chloe Webb
Bonnie Bartlett
Tony Jay
David Caruso
Trey Wilson
Marshall Bell
Nehemiah Persoff
Maury Chaykin
Heather Graham
Hugh O'Brian
Datos y cifras
País(es) Estaus Unius
Anyo 1988
Debantadera 9 d'aviento de 1988
Chenero(s) Cine de comedia
Buddy movie
Durada 107 min.
Idioma(s) Anglés
Companyías
Productora(s) Universal Studios
Distribución Universal Pictures
Presupuesto 18 millons de dólars
Recauto 216,6 millons de dólars
Ficha en IMDb
Ficha en FilmAffinity

Twins (títol orichinal en anglés, en aragonés Melguizos; enguerada en Aragón con o títol en castellano de Los gemelos golpean dos veces, Os melguizos lanian dos vegadas) ye una cinta de cine estausunidense de l'anyo 1988 de cine de comedia buddy movie dirichida por Ivan Reitman seguntes un guión orichinal de William Davies, Timothy Harris, William Osborne y Herschel Weingrod y producida por o mesmo Ivan Reitman ta la productora cinematografica Universal Studios. La suya Banda Sonora Orichinal ye de Georges Delerue y Randy Edelman y la dirección de fotografía ye obra de Andrzej Bartkowiak; d'entre l'elenco d'a lista destacan os actors Arnold Schwarzenegger, Danny DeVito, Kelly Preston, Chloe Webb, Bonnie Bartlett, Tony Jay, David Caruso, Trey Wilson, Marshall Bell, Nehemiah Persoff<, Maury Chaykin, Heather Graham y Hugh O'Brian.

Se tracta d'a primera cinta de comedia interpretada por Arnold Schwarzenegger, qui dica l'inte no heba treballau so que en cintas de cine d'acción, y estió un exito de taquilla, en fer un recauto de 216,6 millons de dólars dimpués d'uns gastos de nomás que 18 millons. En consecuencia tamién estió la primer cinta de Schwarzenegger en recaudar mas de 100 millons de dólars en territorio estausunidense. Antiparte, en cuentas de recibir un salario por o suyo treballo en a cinta, DeVito y Schwarzenegger pactoron recibir o 40% d'o recauto de taquilla, recebindo asinas o pago de mas valura de todas las suyas carreras cinematograficas. Como curiosidat, DeVito y Schwarzenegger tornoron a estar dirichius en una comedia por Reitman en Junior en 1994.

A cinta fue rodada en Nuevo Mexico y Santa Monica (California), estando ambientada en Los Angeles (California), Nuevo Mexico y Texas.

Argumento[editar | modificar o codigo]

Julius ye un choven practicament perfecto, mesmo intelectualment que fisica y vive en una chicota isla con qui creye que ye su pai, un cientifico qui bel día li confiesa que él no ye su pai: Julius naixió en un experimento cientifico secreto d'o Gubierno d'Estaus Unius y ye lo fillo d'un conchunto de destacaus atletas y cientificos que donoron o suyo esperma ta l'experimento y d'una pintora qui morió en o parto y qui, amás, tien un chirmano melguizo, a qui dixoron en un orfanato en Los Angeles, Vincent. Encara que Julius no ha marchau mai d'a suya isla, decide marchar en busca d'o suyo chirmán y lo primer puesto a on va ye a l'orfanato a on l'heban ingresau, a on li explican que Julius yera un pocavergonya y que ta trobar-lo, lo millor puesto a on fer-lo ye a la garchola. Y efectivament, Julius Troba a Vincent en a garchola, a on l'han engarcholau en no haber pagau bel centenar de multas pendients. Vincent ye exactament lo contrario de Julius: nano, feble, amorcillau y embolicau en andalocios. Julius li paga la fianza ta sacar-lo d'a garchola y li explica que ye lo suyo chirmán melguizo y que en l'orfanato li han explicau que su mai encara ye viva y preba de convencer-lo ta que marchen en a suya busca.

A la vegada, Vincent ye preocupau porque debe diners a un gángster y, ta poder pagar-le la deuda, ha robau un auto, a on ha trobau una casette a on escuita que en o maletero de l'auto bi ha un obchecto valuoso ta belú que pagará 5 millons de dólars a qui li entregue. Vincent decide estar él o portador de l'obchecto y aproveita lo viache que Julius li proposa ta buscar a su mai. En o viache tiendrán a companyía de Linda Mason, la novia de Vincent, y d'a suya chirmana melguiza, Marnie, qui bien luego siente atracción por Julius. Pero dezaga d'éls macharán tamién os gángsters a qui Vincent debe los diners y, amñas, o gángster que heba d'entregar l'obchecto y recibir por él 5 millons de dólars.

Elenco[1][editar | modificar o codigo]

Actor Papel Notas
Arnold Schwarzenegger Julius Benedict
Danny DeVito Vincent Benedict
Kelly Preston Marnie Mason
Chloe Webb Linda Mason
Bonnie Bartlett Mary Ann Benedict
Marshall Bell Webster
Trey Wilson Beetroot McKinley
David Caruso Al Greco
Hugh O'Brian Granchero
Tony Jay Werner
Nehemiah Persoff Mitchell Traven
Maury Chaykin Burt Klane
Tom McCleister Bob Klane
David Efron Morris Klane
Peter Dvorsky Peter Garfield
Robert Harper Gilbert Larsen
Rosemary Dunsmore Miss Busby
Lora Milligan Azafata
Richard deFaut Guarda
Richard Portnow Duenyo d'a carnecería
S.A. Griffin Motociclista en Hollywood
Billy D. Lucas Motociclista en Hollywood
Lew Hopson Policía
Frances Bay Superiora d'o convento
Marvin J. McIntyre Hombre de McKinley
Cary-Hiroyuki Tagawa Asiatico
Wayne Grace Guardia d'a garchola
Thomas Wagner Vichilant d'a cambra de visitas
Jay Arlen Jones Mozo de mudanzas
Ty Granderson Jones Mozo de mudanzas
Elizabeth Kaitan Secretaria
Tom Platz Fillo d'o granchero
Roger Callard Fillo d'o granchero
Jason Reitman Avuelo d'o granchero
Catherine Reitman Avuela d'o granchero
Dendrie Taylor Vecina
Sven-Ole Thorsen Sam Klane
Gus Rethwisch Dave Klane
Linda Porter Pintora
Bruce McBroom Pai poliu
Joe Medjuck Fotografo
Frank Davis Guarda de seguridat
John Michael Bolger Guarda de seguridat
Steve Reevis Indio
Jeff Beck Guitarrista
Terry Bozzio Baterista
Tony Hymas Tecladista
Nicolette Larson Cantaire
Jill Avery Baixista
Dustin Amy Fotografo No acreditau
Heather Graham Mary Ann Benedict de chiven No acreditada
Neith Hunter Mesacha d'a botiga No acreditada
Peter Kent Engarcholau No acreditau
Tomas Moore Corredor No acreditau
Nicholas Shake Nino No acreditau
Michael E. Stogner Corredor No acreditau
Raymond Storti Duenyo d'o bar No acreditau
Erick Vinther Alumno No acreditau

Premios[editar | modificar o codigo]

Premio Calendata Edición Categoría Premiau Notas
Premios Globos d'Oro[2] 1989 46ena edición Nominada a lo Globo d'Oro a la Millor Canción Orichinal Twins, de Little Richard y Philip Bailey
Premios BMI 1989 Nominada a lo BMI a la Millor Banda Sonora Orichinal Twins, de Randy Edelman y Philip Bailey

Critica[editar | modificar o codigo]

Twins tenió a-saber-lo d'exito de publico y una acullida mixta por parte d'a critica cinematografica. Asinas, o critico Roger Ebert en o Chicago Sun-Times afirmó que:[3]

(Ye un) entretenimiento atractivo con grans risas y una especie de tontería calida

Vincent Canby, de The New York Times li dio a la cinta una critica negativa:[4]

En Twins, que se suposa que ye divertida, l'ex Mister Universo y lo diminuto Danny DeVito interpretan a uns melguizos, o resultau d'un experimento chenetico que marchó mal. Pero en a mesura en que Twins ye sosteniu por belún, ye sosteniu por o sinyor DeVito. O sinyor Schwarzenegger ye un peso muerto

Se veiga tamién[editar | modificar o codigo]

Referencias[editar | modificar o codigo]

Vinclos externos[editar | modificar o codigo]