Carnecería

De Biquipedia
Ir a la navegación Ir a la búsqueda
Una carnecería

Una carnecería ye un establimiento a on se comercializan diferents tipos de carnes crudas adedicadas a o consumo humán. Por un regular en a carnecería se fan as fainas de procesamiento finals tals como esbrusar y capolar as carnes. O equipamiento minimo d'una carnecería consta d'un refricherador industrial, un soporte pa esbrusar, un conchunto de cutiellos y un tablero refricherau.

Historia[editar | editar código]

Ilustració medieval de Tacuina sanitatis (sieglo XIV)

Dende a epoca romana l'oficio de carnicer ye reglamentau, diversificau y a vegadas dotau de bells privilechios. En a Edat Meya europea yera un cargo hereditario. En 1096 se creyó o primer establimiento de venda de carne en París (actual Plau du Châtelet) d'ista forma s'encetó a casta d'a Gran-Boucherie en mans d'unas familias determinadas que fuoron poco a poco fendo-se mas ricas (yeran nomás bellas 20 familias alto u baixo).

Os estatutos de 1589 en Francia obligoron a os carnicers a comercializar a carne chusto en l'inte en que se pesaba en una balanza, y no a uello como se veniba fendo dende antis más.

Hue en día as carnecerías venden carnes frescas en a suya mayor parti, pero poco a poco s'ubren paso atros productos que i se meten a la venda como os embutius.

Tipos de carnecerías[editar | editar código]

  • Charcutería - Especializada en a comercialización d'embutius. Antimás se puet parlar de salsichería si a venda ye exclusiva de salsichas.
  • Chichorrería u tienda de menuceles - Se denomina asinas a o establimiento a on se venden as visceras d'animals.
  • Pollería - Se distribuyen carnes d'au: pollo, gallina, etc.

Seguntes a lechislación vichent[1] en o Estau Espanyol, se parla de:

  • Carnecerías: aquellos establimientos adedicaus a la manipoliación, preparación y presentación y, si cal, almadazenache de carnes y menuceles frescos (refricheraus u conchelaus), asinas como, pero sin elaboración propia, de preparaus de carne, productos carnicos y atros productos d'orichen animal.
  • Carnecerías-salsicherías: o mesmo que l'anterior pero con obrador d'elaboración de preparaus de carne (frescos, crudos-adobaus, etc.) y embutius de sangre entre os que se consideran as botifarras y morciellas.
  • Carnecerías-charcuterías: o mesmo que l'anterior pero a on tamién se pueden elaborar platos cocinaus carnicos.

Se veiga tamién[editar | editar código]

Referencias[editar | editar código]