Turbera

De Biquipedia
Ir ta: navego, busca
Este articlo trata sobre as turberas que son formacions edaficas de turba con augua, ta la turbera sinonima de «golpe d'aire» se veiga viento.
Turberas d'Anayet
Turbera protechita d'o estanyo de Machais, comuna de La Bresse (Bosgos, Francia)

Una turbera ye una zona humida caracterizata por l'acumulación progresiva de turba, un suelo caracterizato por o suyo gran contenito de materia organica, poco descompuesto u ni res, d'orichen vechetal. Ye un ecosistema particular y fráchil on as caracteristicas en fan un pozo de carbonio, car bi ha més sistesi de materia organica que de degradación.

En a definición y a clasificación d'as turberas bi ha polemica. Seguntes un punto de vista prou estendillato entre os especialistas europeus y americans as turberas no son només que as formacions d'esfagnos, tamién as formacions de hierbas d'o chenero Carex y as formacions d'algas carofitas u de briofitas que aporten a saber-lo de materia organica a lo suelo, y que se descompone gradualment en escaseza d'oxichén esdevenindo un sedimento organico dito turba.

Bi ha turberas ombrotroficas, ditas bog en anglés que son alimentatas només que por l'augua atmosferica.

Bi ha turberas minerotroficas, ditas fen en anglés que son alimentatas sobretot por l'augua sotorrana. A mineralización de l'augua en as turberas tipo fen ye mayor que en as ombrotroficas, y bi influye o tipo de roca d'a cuenca.

As turberas de tipo fen se pueden orichinar de tres trazas:

  • Lagunas en proceso de colmatación y dimpués invaditas por una vechetación de Carex u Sphagnum.
  • Cuencas por on corren ríos y rigachuelos.
  • Costeras de montanya on bi ha prou humidat pa que i haiga Sphagnum.

Turberas en a Peninsula Iberica[editar | editar código]

A zona d'a Peninsula Iberica on bi ha més turberas son os Pireneus, con una buena representación en a Cordillera Cantabrica, destacando en Sierra Segundera. En l'Alto Aragón en dicen "paúls. Tamién bi ha turberas en o Sistema Central, Sistema Iberico y Sierra Nevada, pero con una representación local.

En o Sistema Iberico terolano destacan as turberas de Oriuela, ditas localment Tremedales porque o suelo tremola quan se pisa. Son turberas que se desembolican en lobulos de solifluxión de suelos desembolicatos sobre losetas y quarzitas d'edat valentiniense.[1]. L'acumulación de tormos quarciticos y bardo en as versants por procesos periglacials creyó replans en lobulos de chelifluxión que retienen l'augua y permiten a formación de turberas. Os cabaixos d'as versants presentan ríos de piedras periglacials, ditos berrocales en a redolada, de dica 2,6 km de largura y 250 m d'amplura. A parola Tremedal se documenta en as traduccions heredianas como "Historias contra los Paganos":

E algunos actores dizen que aquesti Nilo, alli a do sale, ha tremedales, e que naxe de fuentes; e de continent se cierra e se mete diuso de las arenas, e assi se va diuso d'ellas por un breve espacio, e apres, el sale fuera e mana en un muit gran lago e amplo;

Referencias[editar | editar código]

  1. Jorge Abad, José Luis Burrel Los humedales en Aragón. CAI00. pp71-73

Bibliografía[editar | editar código]