As trunfas u tuberas son un grupo d'especies de fongosascomizetes d'a familia d'as tuberacias, cheneroTuber. Gosan fer asociacionsmicorriticas con árbols planifolios, más que más con especies d'o chenero Quercus como as carrascas, caixigos, coscollos, castanyeras y nogueras. O suyo cuerpo fructifero tien forma arrondolada, semilar t'os tuberclos d'a especie Solanum tuberosum (as patatas u trunfas, que por ixe en prenen ixe mesmo nombre), con a superficie suya rugosa de color fosca. Bellas especies diz que son capaces de producir herbicidas, que se manifiestan por eixemplo en calvers en a hierba u matical baixo que bi ha arredol d'un carrasquizo micorrizato.
En aragonés prenen nombres como trunfa (con variants como trufa, truba, de l'occitántrufa, y ísta d'o latíntufĕra (var. dial. de tubĕre)), tuberas u tuferas (d'o latíntubĕre) con as suyas variants esdruchulas u a variant popular cazoletas.
