Tres Mojones (La Puebla d'Íxar)

De Biquipedia
Ir a la navegación Ir a la búsqueda
Este articlo tracta sobre Tres Mojones, oronimo entre La Puebla d'Ixar, Zaila y La Zaida. Pa atros emplegos se veiga Tres Mojones (desambigación).
Tres Mojones
Situación
Situación Flag of Aragon.svg Zaila, La Puebla d'Íxar (Teruel), y La Zaida (Zaragoza)
Latitut
Lonchitut
Vértiz cheodesico 44119
Cheografía
Cordelera Depresión d'Ebro
Sierra
Macizo {{{macizo}}}
Altaria 310 m
Primera puyada
Ruta mas fácil
Mapa
Depresión d'Ebro.png
Montanya.svg

Tres Mojones ye un cabezo de 310 metros d'altaria situau en l'interfluvio entre los ríos Lopín y Aguas, entre los termins municipals de La Puebla d'Íxar, Zaila (Teruel), y La Zaida (Zaragoza). En lo suyo cabalto bi ha un vértiz cheodesico.

Representa un releu estructural con un libel resistent de bells 20-30 cm de calsineras d'edat chattiana-acheniana (Oligoceno superior y final), que descansan sobre una alternancia de salagons chesosos, archilitas, paleocanals de piedra d'arena,[1] y calsineras que creyan plataformas escalonadas en las laderas.[2]

Toponimia[editar | editar código]

L'oronimo Tres Mojones fa referencia a estar en la muga de tres termins municipals, por lo que representa tres mollons. Este toponimo se presenta con fonetica castellana, pero en la baixa Edat Meya los documentos de la zona presentan la forma aragonesa mullón regularment, en concreto un documento que fixa las mugas entre Zaila y La Romana y que podría fer mención d'este cabezo pero con un nombre formau con atras radices:

hordenamos, et decimos et sentencialment pronunciamos que del Pozuelo al corral de las piedras e como talla dreyto al pinar al pino de la cruz e del pino de la cruz como talla al Cabezuelo del Forcallo de la val de Irex en dreyto de la Penniella, et traviesa las valles y va de mullon a mullon et sale a la vertient al pie de la cuesta al campo de los fillos de Juhan Dercayana, et d'alli avant va raiz del pinar entro a la raiz de la val de Vivero et descent de mullon a mullon entro a la val de los Vasares, e va el mullon por el cerco e a cabo de la val al pino esmoxado e ixe al fronton blanco al otro mullon, e de mullon en mullon va y traviesa la val de cavalgadores dreyto a la sabina que esta del otra part, et de la sabina puya cerro a cerro al otro pino esmoxado, suso al pino que es en el cabezo et al otro pino que es en somo de las vertientes de la val Genistosa, et traviesa la val et va al fronton blanco et traviesa la val Genistosa et va al cabezuelo pasada de la val et al cabezo savinoso de la vallada de la carrera de Villiella. Así como estos mullones taillan et departen enca part de Zaylla sia termino de Zaylla; et como tayllan e departen, enca Romana sia termino de Romana, es a saber que romane toda la val de Basares a Zaylla.[3]

Referencias[editar | editar código]

  1. (es) Instituto Geológico y Minero de España: Mapa Geológico de España E 1:50.000. Híjar. Servicio de publicaciones de Ministerio de Industria y Energía, 1985. pp 26-28.
  2. (es) Jose Luís Peña Monné et al. : Geomorfología de la Provincia de Teruel. Instituto de estudios turolenses, 1984. p. 108.
  3. (es) María Concepción Contel Barea: El Cister zaragozano en los siglos XIII y XIV. Abadía de Nuestra Señora de Rueda de Ebro. II. Documentos. Publicau en: Cuadernos de historia Jerónimo Zurita, nº. 31-32, 1978, pp. 384-385.

Bibliografía[editar | editar código]

Se veiga tamién[editar | editar código]

Vinclos externos[editar | editar código]