Tramasaguas

Tramasaguas
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Teruel Xiloca Calamocha
Población  • Total	0 hab. (2008)
Codigo postal	44211
Coordenadas	40°58’13’’N 1°18’52’’U
Tramasaguas Tramasaguas en Aragón

Tramasaguas (Entrambasaguas en Castellán) ye un lugar despoblau de la provincia de Teruel, situau en lo municipio de Calamocha. Ye despoblau dende lo sieglo XV-XVI.

Cheografía

Ye situau cerca de Luco de Xiloca y cerca de lo forcallo lo río Xiloca con lo suyo afluent río de Barrachina.

Toponimia

Lo toponimo vien de lo latín INTER AMBAS AQUAE fendo referencia a estar cerca de lo forcallo de lo río Xiloca con lo suyo afluent Barrachina. La evolución de AMBAS ta amas ye tipica de la fonetica aragonesa paralela a UMBILICU > melico y visible tamién en mosta, camal, camilega, coma y tamién.

Se fizo mención de Tramasaguas en un texto de 1205, quan lo bispe Remón de Castrocol adchudicó las decimas y primicias de cada aldeya de la Comunidat de Daroca a cadaguna de las ilesias de Daroca.

Lo "puent román" que bi ha en lo río de Barrachina encara se diz Puente d'Entrambasaguas.

Molimentos

• Puent román de Luco de Xiloca u Puent román de Tramasaguas: lo puent sobre lo río de Barrachina feba part de la calzada romana que enlazaba Caesaraugusta y Cástulo. Ye protechiu legalment dende 2001 con la suya declaración como Bien d'Intrés Cultural.

Bibliografía

• (es) Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.

Lugars desapareixius d'o municipio de Calamocha
Pelarda | Tramasaguas