Sufixo -en(o)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -eno, u con apocope -én se troba en poquez usos en aragonés, entre éls os numerals ordinals a partir de "cuatren(o)" y dica numeros muito grans. Deriva d'o sufixo -ENU, tampoco no guaire frecuent en latín.

Se troba fosilizau en sustantivos que derivan d'os adchectivos ordinals. Asinas un poltro de 2 u 3 anyadas ye un trenteno en Panticosa, un macho de tres anyadas en Lanuza, y una mula u macho de 30 meses en cheso y ansotano.

Atras palabras a on se troba este sufixo y que no se relacionan con ordinals son: catén, y por probable confusión con o sufixo -ero: faxareno ("faixero" en ansotano) y lomena ("lomera" en Aineto).

As formas con apocope -én se dioron en diferents variants d'aragonés, incluyiu l'aragonés occidental y se documentan entre os restos d'aragonés de Cinco Villas.

Bibliografía

• (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6.
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396.
• (es) Laguens Gracia, Vicente: Algunos aspectos de la derivación en textos altoaragoneses del s. XV. Archivo de Filología Aragonesa. Nº 36, 1958.
• (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999).
• (es) José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
• (es) A. Ballarín: Diccionario del Benasqués, Zaragoza, 2ª ed (1978).
• (es) Fernando Blas Gabarda, Fernando Romanos Hernando: Diccionario aragonés: chistabín-castellano (Val de Chistau). Colección Ainas. Gara d'Edizions, 2008.