Lanuza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ista fuella ye escrita en tensino.

Lanuza
Lugar d'Aragón
Lanuza dezaga l'entibo
Entidat  • País  • Provincia  • Comarca  • Municipio	Lugar  Aragón  Uesca Alto Galligo Sallent de Galligo
Partiu chudicial	Chaca
Población  • Total	0 hab. (1976)
Altaria  • Meyana	1.284 m.
Distancia  • 91 km	enta Uesca
Codigo postal	22640
Chentilicio	lanucino
Parroquial  • Diocesi  • Arcipestrau  • Parroquia	Chaca Biescas O Salvador
Coordenadas
Lanuza Lanuza en Aragón
Web oficial

Lanuza ye un lugar aragonés d'a provincia de Uesca situato en o municipio de Sallent de Galligo en a comarca de l'Alto Galligo.

Lanuza ye conoixita en todo Aragón por estar a cuna de nueu chusticias d'Aragón, entre ellos uno d'os mas importants, Chuan V de Lanuza.

Demografía

Carrera Mayor de Lanuza

Hue lo día Lanuza ye un lugar meyo-amortato, pero en 1488 heba 20 fogars y en 1863 39 casas. O 21 de chinero de 1978 os zaguers 141 habitants d'o lugar se'n fueron debito a que o entibo ya embadinaba as tierras y as casas mas baixas.

Hue dezaga de quedar amortata por a construcción de l'entibo que leva o suyo nombre, ha estato apanyato y cuantas famillas ocupan de nuevo as suyas carreras.

Cheografía

Posata a 1.284 metros d'altaria en o canto zurdo d'o río Galligo, a 91 km de distancia de Uesca, a capital d'a suya provincia.

Historia

Lanuza amaneixe documentata por primera vegata en o sieglo XIII.

Molimentos

• Ilesia d'o Salvador de Lanuza, una ilesia adedicada a lo Salvador, constriyida en lo sieglo XIX, anque conserva un crismón romanico en a suya frontera asina como encara conserva bels repuis d'a suya magnifica arquitectura popular de montanya a pesar d'haber estato de raso restaurata, puertas, finestras, fuents, etcetra... muestran encara la polideza d'iste lugar que estió solar d'a casa de Lanuza. Ye la ilesia parroquial d'o lugar.

Actividaz culturals

Encara se celebra en Lanuza o Festival Pireneus Sud toz os anyos en o mes de chulio sobre un escenario dencima d'as auguas de l'entibo dende 1992.

Vinclos externos

• Festival Pireneus Sud.

• Datos: Q3572180
• Multimedia: Lanuza / Q3572180