Squamata

Squamata
Os escamosos
Denominacions populars
Escamosos
Rechistro fósil	Dende o Churasico
Clasificación cientifica
Dominio:	Eukaryota
Reino:	Animalia
Subreino:	Eumetazoa
Filo:	Chordata
Subfilo:	Vertebrata
Superclase:	Tetrapoda
Clase:	Sauropsida
Orden:	Squamata
Descripción
Squamata Oppel, 1811

Os escamosos (en nomenclatura cientifica Squamata, «os que tienen escamas» en latín) son un orden de vertebraus sauropsidos no arcosauros que s'ha dau tradicionalment en Taxonomía, y, seguntes lo que s'aparenta, tamién constituyen un clado verdadero d'animals que comparten un mesmo antepasau común.

Incluye a os «reptils» que popularment se diz fardachos, sargantanas, salamanquesas, camaleons, iguanas, etc. que tienen cuatro patas, pero tamién as serpients que las han perdidas. No son escamosos ni os crurotarsos (cocodrilos y caimans) ni os esfenodonts (os «tuatara» de Nueva Zelanda) pos descienden d'antepasaus que se deseparón antes que apareixese o primer antepasau común d'os escamosos y por tanto forman dos taxons chermanos: Crocodylia y Sphenodontia.

Os escamosos son vertebraus ectotermos, oviparos y con a piel cubierta d'escamas reptilianas. Por regular tienen cuatro patas que remata en zarpas con cinco didos articulaus y dotaus con unglas terminals. Manimenos, i hai excepcions con adaptacions especializadas, como os didos con almadas adhesivas d'o grupo Gekkonidae (salamanquesas), y un grupo a saber qué important que ha atrofiau as patas, como son as serpients.

Por lo comun, entre os escamosos a mandibula se forma de cuatro uesos fusionaus, que son o dentario, l'angular, o suprangular y l'articular. Nuevament, o grupo d'as serpients amuestra una especialización notoria en ixo, pos ellas tienen cranio cinetico que, ixo ye, que pueden «escurronar» (desencaixar) l'articulación entre l'articular y o ueso cuadrau, a la contra que a resta de grupos.

Toz os masclos d'os escamosos tienen hemipenes, que son unatro caracter diagnostico d'iste grupo (os arcosauros, l'atro gran grupo de «reptils», tienen penes verders u no en tienen garra, como a mayoría d'aus). Os hemipenes son una estructura doble y eréctil por perfusión de sangre (analoga a como en ye o pene en os mamiferos) que les sirve pa copular. Se troban en a cloaca y no se'n desplega si que uno por cada copula.

Se veiga tamién

• Amniota.
• Arcosauros.

Enlaces externos

• Wikispecies tiene un articlo sobre Squamata.
• Se veigan as imáchens de Commons sobre Squamata.