Soricomorpha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Soricomorpha
Ilustración que representa dos musaranyas cazando escarabachos.
Denominacions populars
Soricomorfos
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Mammalia
Subclase:	Theria
Infraclase:	Placentalia
Orden:	Soricomorpha
Descripción
Soricomorpha GREGORY, 1910

Os soricomorfos (nombre cientifico Soricomorpha (Gregory, 1910), en latín) son una orden de mamiferos placentarios que en l'actualidat incluye cuatro familias d'animals que enantes se clasificaba en a desapareixida orden Insectivora: Soricidae (as musaranyas y os morganyos), Talpidae (os taboneros y os toboneros d'augua), Solenodontidae (os almiquís) y Nesophontidae (con todas as suyas especies extinguidas).

O nombre Soricomorpha deriva de Sorex, -icis parola latina que designaba as musaranyas pero tamién os zorz mas chiquilins (bella cosa como «ratonet», «ratolichón») y que ye a radiz de parolas como o francés souris u l'italiano sorcio (ratón). Soricis + morphos significa «con a forma d'o ratón».

Descripción

Os soricomorfos tienen a cabeza gran, con uellos chicos y o muixo largo y con forma punchuda. As orellas son redondas, de forma y mida variable. Tienen una vista muit pobre, pero gran olfacto y oyiu.

As patas rematan en zarpetas muit simples y poco especializadas, con forma de man y de piet as debanteras y as zagueras respectivament. Tienen desplazamiento plantigrau. Nomás bellas especies que tienen costumbres soterranios y semi-soterranios tienen as zarpas debanteras mas desenvolicadas (toboneros), y atras que tienen costumbres semi-acuaticos (morganyos) as tienen con pelos recios entre os didos y en as palmas que emplegan pa propulsar-se en l'augua.

Todas as especies de soricomorfos son insectivoros que miran as suyas presas con l'olfacto, belunas en l'augua y atras en tierra. A mayoría habitan en puestos no guaire secos, cuasi siempre con buena presencia d'augua u con humedat, como en o sotobosque, anque en i ha excepcions contadas que viven en disiertos.

Se veiga tamién

• Morganyo.
• Erizón.
• Tabonero.
• Eulipotyphla.

Vinclos externos

• Se veigan as imáchens de Commons sobre Soricomorpha.
• Wikispecies tiene un articlo sobre Soricomorpha.

• Datos: Q834919
• Multimedia: Eulipotyphla / Q834919
• Especies: Soricomorpha