Insectivora

Iste articlo tracta sobre a orden desestimada Insectivora de mamiferos. Pa la forma d'alimentación se veiga Insectivorismo.

Insectivora
Musaranya común europea (Crocidura russula)
Denominacions populars
Insectivoros
Clasificación scientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Insectivora
Descripción
Insectivora Cuvier, 1817

Os insectivoros (scientificament en latín Insectivora) fuen una orden de mamiferos placentarios que s'amostró parafiletica y en conseqüencia ye desusada en l'actualidat.

Proposada por Georges Cuvier en 1817, definiba uns caracters que dimpués se vido que yeran plesiomorfias (caracters primitivos) comuns pa totz os taxons de mamiferos, como os pietz plantigraus y a dentición completa, en chunto con una dieta insectivora y pretendius costumbres nocturnos que pueden estar circumstancials y/u amaneixer como homoplasias de traza independient, no necesariament ligadas a antipasaus comuns.

Familias

A orden incluiba las siguients familias, que se movión ta atros grupos:

• Erinaceidae, os erizons, que actualment son a orden Erinaceomorpha.
• Soricidae (musaranyas y morganyos), Talpidae (taboneros y desmans) y Solenodontidae (os almiquís d'as Antillas), que forman a orden Soricomorpha.
• Tenrecidae (os ténrecs) y Chrysochloridae que son en a orden Afrosoricida.
• Macroscelidae (as musaranyas elefant d'Africa), que fan parte d'a orden Macroscelidea.
• Tupaiidae (as tupayas d'o Sud-este asiatico), que en l'actualidat forman a orden Scadentia.

Vinclos externos

• Se veigan as imáchens de Commons sobre Insectivora.
• Wikispecies tiene un articlo sobre Insectivora.