Morganyo

De Biquipedia
Ir a la navegación Ir a la búsqueda
Morganyo d'a especie Neomys anomalus.

Morganyo[1][2][3] ye o nombre trivial que reciben en Aragón[1] diferents especies de mamiferos placentarios muit chicorrons miembros d'a familia Soricidae, de dieta insectivora, con orellas y uellos muit chicos que habitualment no se veyen entre o pelo. Mesuran entre 5 y 9 centimetros de largaria y nomás pesan bells gramos.

Como tamién as musaranyas, os morganyos tienen vereno en a saliva y si mosigan (p. ex. quan s'intenta pillar-los con a man) a ferida s'inflama y fa mal bells días. Os soricidos (morganyos y musaranyas) son d'es pocos mamiferos verenosos que i ha, en chunto con uns atros parients amanaus suyos, os solenodontidos que habitan en as Grans Antillas, y con l'ornitorrinco.

Creyencias populars[editar | editar código]

O feto d'estar verenosos ha feto que os morganyos tiengan una mala consideración en a cultura tradicional. En as zonas an que se cría muto bistiar, se tiende a creyer que a fizadura u mueso d'un morganyo ye la causa de diferents malotías en animals como a uella, a craba u a vaca, razón por a qual istes mamiferos diminutos son encorrius y muertos quan s'en troba uno.

Gerónimo Borao escribe en o suyo diccionario:

(es) ·Ratón campesino muy hocicudo que suele mamar de las ovejas causándoles la muerte: su caracter venenoso ha dado origen al proverbio si te pica el morgaño prevén el escaño

Referencias[editar | editar código]

  1. 1,0 1,1 (es) Morgaño en o DRAE, consultau o 24 d'agosto de 2018.
  2. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
  3. (es) PARDO ASSO, José, Nuevo diccionario etimológico aragonés (voces, frases y modismos usados en el habla de Aragón); Institución «Fernando el Católico» + Diputación Provincial de Zaragoza + Gara d'Edizions (Ed. Facsímil). Zaragoza, 2002. ISBN 84-8094-101-4