Sobrecullida de Chaca

Sobrecullida de Chaca
Sobrecullida d'o Reino d'Aragón
Entidat  • Estato  • País	Sobrecullida Corona d'Aragón Reino d'Aragón
Capital	Chaca
Subdivisions	23 cullidas
Idioma oficial	Aragonés
Tipo	Sobrecullida
Duración	Sieglos XIV-XV
Recauto	10%

A sobrecullida de Chaca estió una sobrecullida d'o Reino d'Aragón que cubriba a muga con Navarra y a muga con Francia, alto u baixo en as actuals comarcas de Chacetania y Alto Galligo. Controlaba os camins pirenencos occidentales, enta Francia por Ansó, Echo y Canfranc (Somport) y enta Navarra por Puent d'a Reina.

S'estendillaba en primerías dende Taust dica Benás, encara que en posteriors reformas as suyas partis orientals pasarían a fer parti d'as sobrecullidas de L'Aínsa y Ribagorza y a suya zona meridional a la sobrecullida de Tarazona. Se dividiba en 23 cullidas, estando cuasi todas en a muga. O suyo recauto significaba dica un 10% d'o total d'as Cheneralidaz, destacando os ingresos en Canfranc (1.000 libras), Jaca (400 libras) y Sallent, Torla y Exeya (350 libras).

As cullidas que perteneixeban a la sobrecullida de Chaca seguntes as corz de Zaragoza de 1446 yeran L'Aínsa, Ansó, O Bayo, Benás, Berdún, Bielsa, Biescas, Canfranc, Castiliscar, Echo, Exeya, Chistén, Chaca, O Reyal, Sadaba, Salvatierra, Sallent, Sos, Taust, Tiermas, Torla, Uncastillo y Villa-reyal.

Vinclos externos

• (es) Cullidas d'o cheneral en GEA
• (es) Revolución comercial y cambio social. Aragón y el mundo mediterráneo. José Ángel Sesma Muñoz. Prensas Universitarias de Zaragoza. ISBN 978-8415770671
• (es) Atlas de Historia de Aragón. Edad Moderna. Divisiones administrativas: Sobrecollidas, veredas y corregimientos. E. Jarque Martínez.

• Datos: Q93099501