Silurus glanis

De Biquipedia
Ir a la navegación Ir a la búsqueda
Silurus glanis
Silurus glanis 01.jpg
Un siluro (Silurus glanis).
Denominacions populars
Siluro
Estato de conservación
Status iucn2.3 LC.svg
Seguro (IUCN)
Clasificación scientifica
Animalia
Chordata
Actinopterygii
Siluriformes
Siluridae
Silurus
S. glanis
Descripción
Silurus glanis
Linné, 1758
Distribución cheografica
Silurus glanis distmap.png
Distribución d'o siluro. En color roya lo suyo habitat natural, en color anaranchada las arias an ha estau introduciu, en color azul os puestos an ha estau alufrau.

O siluro[1] (Silurus glanis (Linné, 1758)) ye un peix d'augua dulza de l'orden d'os Siluriformes orichinario d'os grans ríos d'Europa Central.

Puede vivir dica 80 anyadas d'edat.[2]

Dependiendo d'o suyo habitat, o siluro gosa aconseguir una longaria corporal d'un metro u un metro y meyo y un peso d' arredol de 10 a 50 kilogramos. Manimenos, dau que os animals creixen a lo largo d'a tota suya vida, tamién pueden tornar-se significativament mas grans y pesaus. A información sobre as dimensions maximas difiere considerablement de diferents autors. Hue en día, se gosa dar una longaria de dica tres metros y un peso de 150 kilogramos.[3] Manimenos, i hai informes d'animals significativament mas grans d'os sieglos XVIII y XIX. En o Dniepr de Ucraína s'informó de siluros de dica cinco metros de longaria y mas de 300 kilogramos de peso,[4] y se diz que en 1731 se capturó en l'Oder un animal que pesaba 375 kilogramos y no teneba entranyas. Istas dimensions son asumidas per qualques autors dica o día d'hue y, a ormino, comentan que hue en día ya no se troban animals d'iste grandaria.[5] Isto convierte a lo siluro en o peix mas gran que vive de contino en augua dulza en Europa. Nomás ye superau per l'esturión (Acipenser), que son peixes migratorios que nomás ingresan en os ríos pa fregar.

En Aragón[editar | modificar o codigo]

O siluro estió introduciu en a mar d'Aragón en 1974 suposadament per lo biologo alemán Roland Lorkowski.[6] A especie, sin depredadors nativos, s'ha extendiu per tota la val de l'Ebro trasquindo atras especies y aconseguindo grandarias enormes.[7] [8]

Referencias[editar | modificar o codigo]

  1. (an) Rafel Vidaller Tricas: Nombres populars d'os pexes d'arriu, Fuellas 185, Consello d'a Fabla Aragonesa, 2008, ISSN 1132-8452, pp. 58-61.
  2. (en) Kottelat, M. i J. Freyhof 2007. Handbook of European freshwater fishes. Publications Kottelat, Cornol, Suïssa. 646 p.
  3. (de) Roland Gerstmeier, Thomas Romig: Die Süßwasserfische Europas für Naturfreunde und Angler. 2. Auflage. Franckh-Kosmos, Stuttgart 2003, ISBN 3-440-09483-9, p. 305–308.
  4. (de) K. Kessler: Zur Ichthyologie des südlichen Russland. In: Bulletin de la Société impériale des naturalistes de Moscou. Band 29, 1856, p. 350.
  5. (de) Martin Hochleithner: Welse (Siluridae) – Biologie und Aquakultur. Aqua Tech Publications, Kitzbühel 2006, ISBN 3-9500968-7-6, p. 71–74.
  6. (es) La especie fue introducida en 1974 en Mequinenza por un biólogo alemán en El Periódico de Aragón
  7. (es) Siluros gigantes en el río Ebro en Heraldo de Aragón
  8. (es) Pescan un siluro de más de dos metros cerca del puente de La Almozara en Aragón TV

Vinclos externos[editar | modificar o codigo]