Ir al contenido

Silurus glanis

De Biquipedia
(Reendrezau dende Siluro)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Silurus glanis
Un siluro (Silurus glanis).
Denominacions populars
Siluro [1]
Estau de conservación

Seguro (IUCN)
Clasificación cientifica
Reino:
 Animalia
Filo:
 Chordata
Clase:
 Actinopterygii
Orden:
 Siluriformes
Familia:
 Siluridae
Chenero:
 Silurus
Especie:
 S. glanis
Descripción
Silurus glanis
Linné, 1758
Distribución cheografica
Distribución d'o siluro. En color roya lo suyo habitat natural, en color anaranchada las arias an ha estau introduciu, en color azul os puestos an ha estau alufrau.

O siluro (Silurus glanis (Linné, 1758)) ye una especie de peix d'augua dolza de l'orden d'os Siluriformes orichinario d'os grans ríos d'Europa Central.

Puede vivir dica 80 anyadas d'edat.[2]

Dependiendo d'o suyo habitat, o siluro gosa aconseguir una longaria corporal d'un metro u un metro y meyo y un peso d' arredol de 10 a 50 kilogramos. Manimenos, dau que os animals creixen a lo largo d'a tota suya vida, tamién pueden tornar-se significativament mas grans y pesaus. A información sobre as dimensions maximas difiere considerablement de diferents autors. Hue en día, se gosa dar una longaria de dica tres metros y un peso de 150 kilogramos.[3] Manimenos, i hai informes d'animals significativament mas grans d'os sieglos XVIII y XIX. En o Dniepr de Ucraína s'informó de siluros de dica cinco metros de longaria y mas de 300 kilogramos de peso,[4] y se diz que en 1731 se capturó en l'Oder un animal que pesaba 375 kilogramos y no teneba entranyas. Istas dimensions son asumidas per cualques autors dica o día d'hue y, a ormino, comentan que hue en día ya no se troban animals d'iste grandaria.[5] Isto converte a lo siluro en o peix mas gran que vive de contino en augua dolza en Europa. Nomás ye superau per l'esturión (Acipenser), que son peixes migratorios que nomás ingresan en os ríos pa fregar.

En Aragón

[editar | modificar o codigo]

O siluro estió introduciu en a mar d'Aragón en 1974 suposadament per lo biologo alemán Roland Lorkowski.[6] A especie, sin depredadors nativos, s'ha extendiu per tota la Val d'Ebro trasquindo atras especies y aconseguindo grandarias enormes.[7][8]

Referencias

[editar | modificar o codigo]
  1. ↑ (an) Rafel Vidaller Tricas: Nombres populars d'os pexes d'arriu, Fuellas 185, Consello d'a Fabla Aragonesa, 2008, ISSN 1132-8452, pp. 58-61.
  2. ↑ (en) Kottelat, M. i J. Freyhof 2007. Handbook of European freshwater fishes. Publications Kottelat, Cornol, Suïssa. 646 p.
  3. ↑ (de) Roland Gerstmeier, Thomas Romig: Die Süßwasserfische Europas für Naturfreunde und Angler. 2. Auflage. Franckh-Kosmos, Stuttgart 2003, ISBN 3-440-09483-9, p. 305–308.
  4. ↑ (de) K. Kessler: Zur Ichthyologie des südlichen Russland. In: Bulletin de la Société impériale des naturalistes de Moscou. Band 29, 1856, p. 350.
  5. ↑ (de) Martin Hochleithner: Welse (Siluridae) – Biologie und Aquakultur. Acua Tech Publications, Kitzbühel 2006, ISBN 3-9500968-7-6, p. 71–74.
  6. ↑ (es) La especie fue introducida en 1974 en Mequinenza por un biólogo alemán en El Periódico de Aragón
  7. ↑ (es) Siluros gigantes en el río Ebro en Heraldo de Aragón
  8. ↑ (es) Pescan un siluro de más de dos metros cerca del puente de La Almozara en Aragón TV

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Silurus_glanis&oldid=2223681"