Santmigalada

A santmigalada^[1]^{[nota 1]} ye o periodo de tiempo correspondient a las primeras semanas d'agüerro, fendo referencia propiament a la fiesta cristiana de Sant Miguel, o día 29 de setiembre, que marca popularment a rancanza d'a estación. Per extensión, s'aplica a sobén ista palabra ta tot o periodo d'agüerro.

En os textos medievals escritos en aragonés i hai muitas referencias a la fiesta de Sant Miguel y l'ALEANR documenta a parola santmiguelada u santmigalada en buena parti d'as localidaz actualment castellanoparlants de Teruel, Zaragoza y Navarra coexistindo con otoño, lo mesmo que en localidaz dica fa poco aragonesoparlants de l'Alto Aragón^[2].

En Aragón

Tradicionalment sant Miguel ha estau un santo muit venerau en Aragón.^[3] O día d'a fiesta de Sant Miguel se celebraban ferias ganaderas en muitos lugars a on ganaders y labradors se trobaban pa vender y crompar ganau y caballerías pa as fainas agricolas. En rematar por ixas calendatas l'anyada agricola, criaus y pastors remataban os suyos contractos por lo que heban de buscar un nuevo treballo. Amás se renovaban os loguers, remataban os ampres y muitos amos de casas fuertes feban en istos días cuentas d'os suyos ingresos y gastos.

Mazadas

Corder naixito en a santmigalada por Navidat valdrá una dinerada.^[3]
En a santmigalada por toz os camins se troba posada.^[3]
En verano y en santmigalada, a tripa plena y a bolsa atada.^[3]
Por a santmigalada s'apoquinan as igualas.^[3]

Se veiga tamién

Notas

↑ Con a variant santmiguelada

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo XI, Lamina 1287, Mapa nº 1287.
↑ ^3,0 ^3,1 ^3,2 ^3,3 ^3,4 (an) "Sapienzia en purnas. L'añada en o refranero altoaragonés". Chusé Antón Santamaría Loriente. Aladrada Ediciones. Colección Clarión, 12. Zaragoza, 2017. ISBN 978-84-947712-2-4

Periodos de tiempo
Agorrada \| Anyada \| Chornada \| Diada \| Durada \| Hibernada \| Maitinada \| Mesada \| Meyodiada \| Santmigalada \| Semanada \| Tardada

Datos: Q3360565
Multimedia: Michaelmas / Q3360565

[2] Con a variant santmiguelada

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[ALEANRXI-3] (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo XI, Lamina 1287, Mapa nº 1287.

[CASantamaría-4] 3,0 ^3,1 ^3,2 ^3,3 ^3,4 (an) "Sapienzia en purnas. L'añada en o refranero altoaragonés". Chusé Antón Santamaría Loriente. Aladrada Ediciones. Colección Clarión, 12. Zaragoza, 2017. ISBN 978-84-947712-2-4

[1]

[nota 1]

[2]

[3]