Collita

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Collita de trunfas en 1957 en Meckenheim (Alemanya).

A collita ye l'acción de cullir as parz que s'aproveitan d'as plantas cautivadas una vegada que ya se pueden minchar, procesar u tienen valura comercial. Estas parz pueden estar simients, fruitos, fuellas, tallos, radices u dica estambres, pero por un regular a collita ye de simients (en o caso d'os cerials), y de fruitos maduros, por eixemplo en os árbols fruitals.

En l'agricultura tradicional a collita a fin d'o creiximiento u a fin d'a maturación d'un fruito, seguindo os ciclos estacionals y por ixo cuan se contimpara a collita d'un anyo concreto con la d'atros, cuan se fa una valoración d'a collita d'un anyo,u cuan mos referimos a la collita d'un anyo concreto se diz anyada, y tamién s'aplica a los productos que se fan con a collita d'ixe anyo, especialment en o caso d'os vins. A collita de graminias y plantas anyals se fa cuan a planta ye seca. A collita d'a fruita se fa toz os anyos en os meses en os que a fruita ye matura, encara que en l'agricultura moderna se pueda cullir a fruita encara verda pa que mature dimpués, en casa por eixemplo.

Etimolochía

A palabra collita provién d'o latín COLLĚCTA y ye una palabra patrimonial aragonesa común con o catalán. Entre as pocas variants de l'aragonés que la conservan tenemos o baixorribagorzán. A collita referida d'a uga se diz "vendema".