Rosenheim

	Rosenheim; Rousnam
	Ciudat independient d'Alemanya
	; Mittertor
País; • Estau federal; • Rechión; • Districto	Alemanya; Bavera; Alta Bavera; Ciudat independient
Superficie	37.22 km²
Población; • Total; • Densidat	; 53155 hab. (1987); 1.600 hab/km²
Altaria; • Meyana	; 447 m.
Codigo postal	83001-83028
Coordenadas	47°N 51°E
	Rosenheim Rosenheim en Alemanya
	Web oficial

Rosenheim (en austro-baverán Rousnam) ye una ciudat independient situada en o centro d'o districto de Rosenheim (Alta Bavera), estando amás capital d'iste districto. Se troba en a marguin occidental d'o río Inn en o forcallo entre os ríos Inn y Mangfall, en o Semontano alpín baverán. Ye a tercera ciudat mas gran de l'Alta Bavera con 61.000 habitants y un d'os 23 centros administrativos de Bavera. Rosenheim ye amás o centro economico d'a suya redolada.

Cheografía[editar | modificar o codigo]

A población d'a ciudat ye de alto u baixo 60.000 habitants, con atros 125.000 en a suya redolada. Rosenheim se troba situada en o Semontano alpín de l'Alta Bavera, a una altaria de 450 m sobre o livel d'a mar y cubre un aria de 37,52 km². A capital de Bavera, Múnich, se troba a una distancia de 52 kmen dirección norueste. A gara de Rosenheim ye un nyudo de comunicacions entre a linia Múnich–Rosenheim, a linia Rosenheim–Salzburg y a linia Múnich–Innsbruck.

O paisache arredol de Rosenheim se formó mientres a zaguera edat de chelo debiu a o glaciar d'a val de l'Inn y mas tardi por o lago de Rosenheim. O lago existió dica fa 10.000 anyos y cubriba toda a val de l'Inn dica Wasserburg am Inn, quasi a 25 km a o norte de Rosenheim.

Escudo[editar | modificar o codigo]

En o escudo d'armas d'a ciudat de Rosenheim apareixe una rosa blanca sobre fundo royo. As armas actuals podrían fer referencia a las antigas de Wasserburg am Inn, ya que Rosenheim perteneixió a Wasserburg dica 1247. O escudo mas antigo conoixiu d'a ciudat de Rosenheim data de l'anyo 1374 y ya incluyiba a rosa, que permaneixe dende alavez. L'unico cambeo que se puet trobar en o escudo ye en un quadro de Philipp Apian de l'anyo 1568, en que se veye un borde arredol d'a rosa.^[1]

Tamién existe un logo oficial d'a ciudat de Rosenheim, que contiene a mesma rosa que se troba en o escudo d'armas.

Ciudatz achirmanadas[editar | modificar o codigo]

Rosenheim ye achirmanada con:
	Lazise (Italia), dende 1974
	Brianzo (Francia), dende 1979
	Greiz (Turinchia), dende 1991
	Ichikawa (Chapón), dende 2004
	Beersheba (Israel), dende 1983
Rosenheim tien relacions d'amistaz con:
	Kufstein (Austria)