Turinchia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Estau libre de Turinchia Freistaat Thüringen | |||||
| Estau d'Alemanya | |||||
| |||||
 Mapa de situación en Alemanya | |||||
| Entidat • Estau |
Estau Alemanya
| ||||
| Capital | Erfurt | ||||
| Idioma oficial • Atros idiomas |
Alemán Alemán central | ||||
| Superficie • Total |
16 171.0 km² | ||||
| Gubierno • Ministro president |
Josef Duchač | ||||
| Población • Total (2013) • Densidat |
2 161 000 hab. 133 hab/km² | ||||
| ISO 3166-2 | DE-TH | ||||
| Pachina web oficial | |||||
Turinchia (en alemán Freistaat Thüringen u Thüringen) ye un estau libre entre os 16 estaus federaus d'Alemanya[1], trescruzau por a selva de Turinchia y situato en o centro cheografico d'o país.
A suya población ye de 2.157.000 habitants (2014) en una superficie de 16.172m50 km², con una densidat de población de 133 hab/km². Bellas ciudaz importants d'iste estau son Weimar, Erfurt, Eisenach y Jena.
Cheografía
[editar | modificar o codigo]L'estau federau de Turinchia se troba enmeyo d'o territorio alemán, y poseye como vecins os estaus federaus d'Hesse (270 km), Bavera (381 km), Saxonia (265 km), Saxonia-Anhalt (296 km) y Baixa Saxonia (112 km). Turinchia perteneixe, de conchunta con Saxonia-Anhalt y Saxonia, a la denominada zona central d'Alemanya (Mitteldeutschland). A causa d'a suya gran cantidat de zonas boscosas se gosa denominar tamién a lo territorio de Turinchia como o «Corazón verde d'Alemanya» (Grüne Herz Deutschlands).
Os ríos mas importants de Turinchia son o Saale, o Ilm, o Werra, o Unstrut, asinas como o Weiße Elster. O mont mas alto dentro d'o estau ye lo Großer Beerberg, con una altaria de 982,9 m.
Clima
[editar | modificar o codigo]Turinchia se troba en a zona de clima moderau d'Europa Central con aires predominants d'o ueste. Dau que ya existen cualques cadenas montanyosas baixas protectoras entre as mars occidentals y Turinchia, o clima asti ye mas continental que en o ueste y norte d'Alemanya. Isto ye particularment evident en hibiernos mas fríos y veranos mas ixutos que en atras partes d'Alemanya.
Existen grans diferencias climaticas dentro de Turinchia. A cuenca de Turinchia en o centro d'o país se veye particularment afavorida. Ye rodiau de montanyas, por o que a menor cantidat de precipitación en Alemanya caye astí. Straussfurt tien o récord con 242 mm de precipitación anyal en 1911. A precipitación meya anyal en a cuenca de Turinchia ye de 400 a 500 mm con una temperatura meya anyal de 8,5 °C. As zonas montanyosas d'o país son climaticament sobre o promeyo alemán. En Gera, por eixemplo, cayen 624 mm de precipitación a una temperatura de 7,8 °C. As zonas montanyosas de Turinchia tienen un clima desfavorable. Asinas en Schmücke se mide un promeyo de 1289 mm de precipitación anyal a una temperatura de 4.4 graus Celsius. Astí a temperatura de chinero ye de -4 °C y a temperatura de chulio ye de 12,8 °C. En Artern, en l'extremo norte d'a cuenca de Turinchia, as valors pa istos meses son −0,7 °C y 17,6 °C.
Demografía
[editar | modificar o codigo]| 1950 | 1960 | 1970 | 1980 | 1990 | 2000 | 2015 |
|---|---|---|---|---|---|---|
| 2.932.242 | 2.737.865 | 2.759.084 | 2.730.368 | 2.611.319 | 2.431.255 | 2.170.714 |
Organización politico-administrativa
[editar | modificar o codigo]Turinchia ye dividita 17 districtos rurals y 6 districtos urbans:
Districtos rurals:
Districtos urbans:
Ciudaz destacatas
[editar | modificar o codigo]| Puesto | Nombre | Población en 2012 |
|---|---|---|
| 1 | Erfurt | 203,485 |
| 2 | Jena | 106,915 |
| 3 | Gera | 95,384 |
| 4 | Weimar | 63,236 |
| 5 | Gotha | 44,371 |
| 6 | Nordhausen | 41,926 |
| 7 | Eisenach | 41,744 |
| 8 | Suhl | 35,967 |
| 9 | Altenburg | 33,343 |
| 10 | Mühlhausen | 33,235 |
Lista de ministro-presidents de Turinchia
[editar | modificar o codigo]| Ministro-presidents de Turinchia | |||
|---|---|---|---|
| Nombre | Partiu politico | Lechislatura | |
| 1 | Hermann Brill | SPD | 1945-1945 |
| 2 | Rudolf Paul | SED | 1945-1947 |
| 3 | Werner Eggerath | SED | 1947-1952 |
| Entre 1952 y 1990 o estau de Turinchia estió aboliu | |||
| 4 | Josef Duchač | CDU | 1990-1992 |
| 5 | Bernhard Vogel | CDU | 1992-2003 |
| 6 | Dieter Althaus | CDU | 2003-2009 |
| 7 | Christine Lieberknecht | CDU | 2009-2014 |
| 8 | Bodo Ramelow | Die Linke | 2014-hue |
Cultura
[editar | modificar o codigo]Luengas
[editar | modificar o codigo]En iste estau, amás de l'alemán estandar, se charran o turinchián y l'alto saxón.
Gastronomía
[editar | modificar o codigo]A cocina de Turinchia ye una rica y pro pesada que ye dominada por virollas con muita carne. As virollas mas conoixius son as mondonguillas de Turinchia feitas con trunfas (Thüringer Klöße), que se consideran o plato nacional, y o Rostbratwurst de Turinchia. As especialidaz d'embutius y cazata tamién chugan un paper important. Turinchia ye a sue de cuantas biereras, como que por eixemplo as de Gotha, Altenburg, Apolda y Bad Köstritz.
Referencias
[editar | modificar o codigo]- ↑ (es) Klaus Michel Miebach: El federalismo en la República Federal de Alemania, Materiales de Trabajo N° 3, p.9, Friedrich Ebert Stiftung, 1997.
Vinclos externos
[editar | modificar o codigo]
Se veigan as imáchens de Commons sobre Turinchia.- Pachina web oficial de Turinchia.
| Control d'autoridaz |
|
|---|
