Districtos d'Alemanya

Os destrictos d'Alemanya (en alemán Kreis, plural Kreise) son un tipo d'unidat administrativa d'Alemanya. Bi'n ha 401 y tienen un livel intermeyo entre os Länder (estaus federaus) y os livels locals/municipals. No s'ha de confundir con o Regierungsbezirk (Rechión administrativa), que ye un atro tipo de districto.

Tipos de districtos

A mayoría de districtos (294) son rurals, Landkreise. As ciudaz con mas de 100.000 habitants (fueras de en bels estaus) no perteneixen a garra districto sino que asumen ellas mesmas tals responsabilidaz formando un destricto independient. Istos son os districtos urbans (Kreisfreie Städte / Stadtkreise). En 2020 se'n podeban contar 107 d'istas, formando un total de 401 districtos. En a Renania d'o Norte-Westfalia bi ha bellas ciudaz con mas de 100.000 habitants que no forman districtos urbans, como Iserlohn, Recklinghausen, Siegen, Paderborn, Bergisch Gladbach, Witten y Neuss.

Responsabilidaz

Os districtos son responsables de:

Seguntes as leis federals y rechionals:
- construcción y mantenimiento de carreteras de tipo B
- atros plans de construcción que comprendan mas d'una autoridat local
- mantenimiento d'os parques naturals
- bienestar social
- bienestar d'a choventut
- construcción y mantenimiento d'hespitals
- construcción y mantenimiento d'institutos d'educación secundaria
- cullita de vasueras
- matriculación d'autos
- elección d'o Landrat u Landrätin, o dirichent d'o districto.
Seguntes as leis rechionals: (diferent en cada rechión)
- refirme financiero a la cultura
- construcción de zonas de piatons y carrils beci
- refirme economico ta intercambios academicos
- construcción y mantenimiento de bibliotecas publicas
- revitalización d'a economía
- fomento d'o turismo
- chestión d'as Volkshochschulen (escuelas estatals d'educación ta adultos)

Todas istas fainas son feitas por as autoridaz locals (municipals) en acción conchunta. Os districtos urbans tienen todas istas responsabilidaz asinas como tamién os municipals.

Parlamento d'o districto

O parlamento d'o districto, o Kreistag, ye l'organ lechislativo d'o districto y ye o responsable de l'administración propia local. O parlamento ye trigau dreitament cada cinco anyos, fueras de Baviera, a on se triga cada seis anyos, y en Schleswig-Holstein, a on se fa cada cuatre.

Se veiga tamién

Lista de districtos d'Alemanya

Datos: Q106658
Multimedia: Districts of Germany / Q106658