Río Algadir

De Biquipedia
(Reendrezau dende Río Deza)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Algadir
Argadir - Deza
Administración
Estaus
Territorios Castiella y Leyón
Aragón
Cheografía
Longaria  km
Altaria d'o naixedero  m
Naixedero Balsas de San Vicente (Peñalcázar)
Desembocadura río Xalón
Superficie d'a cuenca km²
Cabal meyano m³/s
Mapa

L'Algadir en Aragón

Lo río Algadir, río Argadir[1] u río Deza ye un afluent de lo río Xalón por la suya marguin ezquierda.

Lo suyo naixedero ye en las Balsas de San Vicente de Peñalcázar (provincia de Soria), dende a on que baixa en dirección Ueste ta Almazul, a on que bi ha un codo de captura que fa que s'esbarre enta lo Sudesde. Baixando dende lo termin municipal d'Almazul pasa cerca de Nazaterón y traviesa los termins municipals de Deza (con Miñana), y Ciuela en la provincia de Soria, entrando en Aragón por Embit de Fariza pa dimpués recullir-se en Xalón en lo termin municipal de Cetina.

Toponimia[editar | modificar o codigo]

Este curso d'augua presenta denominacions que varian dependendo de lo diferents lugars por a on pasa como río Algadir,[2] río Argadir, río Henar,[2] río Deza,[2] u río Lerar). En lo termin municipal d'Embit de Fariza prene la denominación d'Argadir[1] u Algadir. En Cetina lo denominan El Barranquillo.

João Batista Labanha fizo servir la denominación de río Deça en Itinerario del reino de Aragón (1610-1611)[3].

L'arabismo algadir s'emplegaba en l'aragonés local. En lo texto en lo que mugan lo termin de lo Monesterio de Piedra en 1260-1265 se fa mención de bel algadil:

Asignamos por termino al dito monasterio entrel monasterio e los de Flumes conviene a saber: De la dita Penna Crebrada, assí quomo va loma a loma tro a en dreito al Algadil de la Muerta, e dent assí quomo va loma a loma quomo las aguas vierten enta los Algadiles...

En Maluenda bi heba una acequia de los Algadiles.[4] En Tudela bi heba un puesto dito Algadil chunto a Viliella.[5]

Lo suyo significau en algarabía "sería "laguna" u "estanyo" En lo delta d'Ebro bi ha un Estany de l'Algadir.[6]

Referencias[editar | modificar o codigo]

  1. 1,0 1,1 (es) Prensa Diaria Aragonesa: Los ríos de Aragón. El Río Jalón. El Periódico de Aragón, Diputación General de Aragón, 2005, pp 50-51
  2. 2,0 2,1 2,2 (es) Lampre Vitaller, Fernando: Rios y sierras de la comunidad de calatayud. Editorial: Ediciones Prames S.L., 2016. ISBN 978-84-8321-930-0. p. 15.
  3. (pt)(es) João Baptista Lavanha, Lupercio Leonardo de Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Establ. tipog. del Hospicio provincial, 1895, p 127.
  4. (es)(an) Concepción de la Fuente Cobos: Libro de apeos del monasterio de piedra (1344). libro de cuentas de la bolseria del monasterio de piedra. Fuentes históricas aragonesas, 31. Institución Fernando el Católico, 2001.
  5. (es) Santos Agustín García Larragueta: El Gran Priorado de Navarra de la Orden de San Juan de Jerusalén: siglos XII-XIII. Diputación Foral de Navarra, Institución "Príncipe de Viana", 1957, p. 73.
  6. (ca) Maria Àngels Massip: II. Topònims conflictius pp. 13-14.

Bibliografía[editar | modificar o codigo]


Afluents d'o río Xalón
Marguin izquierda Nágima | Algadir | Monegriello | Manubles | Ribota | Aranda
Marguin dreita Piedra | Xiloca | Miedes | Griu