Quercus suber

Quercus suber
Lecina zurera.
Denominacions populars
lecina zurera / llecina zurera, zurera / ciurera, zurero
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
Orden:	Fagales
Familia:	Fagaceae
Chenero:	Quercus
Especie:	Q. suber
Descripción
Quercus suber L.,
Distribución cheografica
Mapa d'a distribución posible d'a lecina zurera on bi haiga un suelo y clima adecuatos.

Quercus suber

A lecina zurera (nombre cientifico Quercus suber) ye un especie d'árbol d'o chenero Quercus caracteristico d'as selvas mediterranias que creixe sobre suelos silicios en os países d'a cuenca mediterrania occidental. Tien importancia economica porque se'n extraye o zuro.

Quercus suber / Portugal

Fitonimia

A lecina zurera no se troba en l'Alto Aragón y d'astí que en aragonés actual no existe una denominación vernacla pa este árbol. Tecnicament a denominación lecina zurera sería posible en cualsiquier parla altoaragonesa.

No bi ha estudios fitonimicos sobre cómo se diz a esta especie en as pocas localidaz d'Aragón on creixe esta especie (Sestrica y Olba) y se charró l'aragonés en a Edat Meya, manimenos en o lexico comercial aragonés d'o sieglo XV trobamos alcornoc.

Tamién en o libro "Grant Cronica d'Espanya", compilación historica de Chuan Ferrández d'Heredia:

& a(n)tiguam(en)t las gentes de aquella tierra no sabie(n) sembrar simie(n)tes. ni pla(n)tar uinyas. ni sabien fazer casas. ni fornos. ni molinos. & habitaua(n) en cueuas dius tierra. Et en barracas de ramas. & uiuien como gentes bestiales. por que no uiuie(n) sino de carne. & de leche. & de yerbas. & de fruytas saluages es a saber billotas de carrasca & de roure & de alcornoch. & de pomas. & de peras. & de todas ot(r)as fru[^i]tas delas cuales ha gra(n)t habunda(n)çia en aquella tierra. Saturno mostroles a sembrar simie(n)tes

Referencias

• Datos: Q156137
• Multimedia: Quercus suber / Q156137
• Especies: Quercus suber