Samianigo Baixo

Samianigo Baixo Sabiñánigo Bajo
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Alto Galligo Samianigo
Partiu chudicial	Chaca
Población  • Total	36 hab. (2023)
Altaria  • Meyana	710 m.
Distancia  • 50 km	enta Uesca
Codigo postal	22600
Parroquial  • Diocesi  • Arcipestrau	Chaca Samianigo
Coordenadas	42°30’ 2’’N 0°21’50’’U
Samianigo Baixo Samianigo Baixo en Aragón

Samianigo Baixo u tamién dito O Puent de Samianigo (en castellano Sabiñánigo Bajo u El Puente de Sabiñánigo) ye un barrio de Samianigo; d'antis mas yera un lugar desapartau, pero ha estau absorbiu por a capital de l'Alto Galligo. Situau en a marguin ezquierda d'o Galligo.

Teneba 24 fuegos y 148 habitants a meyaus d'o sieglo XIX y encara yeran 83 os habitants en 1981.

L'edificio mas destacau d'o barrio ye l'antiga casa Batanero, que hue ye o Museu d'Artes Populars de Sarrablo, una d'as mas intresants muestras d'arquitectura popular sarrablesa. Construyida en a primera metat d'o sieglo XIX, destacan a suya chaminera tronconica con o tipico espantabroixas, os suyos balcons de fierro y fusta, as suyas finestras decoradas, o furno y o fogar.

Tamién ye intresant casa Lasaosa, con a portalada conopial suya con a calendata de 1611, atra portalada adintelada con una cruz gravada en baixorrelieu y o suyo tradicional balcón de fusta. Puet veyer-se tamién o Mesón Quemao a l'atro canto d'o río con a suya chaminera tronconica, a decoración con calso y bellas finestras intresants.

• Datos: Q9252233