Espiga
- Iste articlo tracta sobre a espiga d'os cerials, en termins d'agricultura. Ta o tipo d'inflorescencia, se veiga espiga (inflorescencia).
A espiga[1] (d'o latín <spica), popularment tamién dita cabeza[1][nota 1], ye o extremo superior d'o tallo en as plantas poacias u graminias cuan fan a florada y fructifican, especialment en os cerials domesticos.
En os cerials forma una estructura clarament delimitada a on que se troba os grans individuals, a simient; fruitos simples de tipo aquenio que caracterizan a todas as graminias. As simients van pilladas en un palluzo u pallofa individual, que en bellas especies presenta una aliestra mas u menos larga y que ye sésil sobre o tallo central u raquis.
A l'acción de comenzar a producir a espiga os cerials se le diz «cabezar», y a planta de cerial que tiene espiga, sia encara verde u seca, se diz que ye «cabezada» (y o cerial, «cabezau»).
Ditos y mazadas
[editar | modificar o codigo]- «Con espigas tiesas ni pan pa las mairalesas»[2]
Se veiga tamién
[editar | modificar o codigo]Notas
[editar | modificar o codigo]- ↑ Con a variant capeza
Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.153
| Control d'autoridaz |
|
|---|
Datos: Q97249395