Oceano Indico
| Oceano Indico | |
| Oceano u mar d'a IHO (n.º id.: 45) | |
 | |
| Localización administrativa | |
|---|---|
| Estau |  Madagascar Comoras Seychelles Maldivas Mauricio Sri Lanka Indonesia Sudafrica Mozambique Tanzania KenKenyaia Somalia Chibuti Sudán Echipto Israel Arabia Saudita Yemen Emiratos Arabes Unitos Bahrein Qatar Kuwait Iraq Irán Pakistán India Birmania Australia. |
| Cheografía | |
| Oceano | Oceano Indico |
| Continents | Africa, Asia y Oceanía |
| Isla(s) | Madagascar, Comoras, Seychelles, Maldivas |
| Mars mugants | Oceano Atlantico, oceano Pacifico |
| Ríos que i cayen | Río Zambeze Río Indo Río Ganches Río Brahmaputra Río Irrawady |
| Accidents | |
| • Golfos y badías | Mar Roya, mar d'Andamán, mar Arabica, Gran Bahía Australiana, golfo Persico, golfo de Bengala, golfo d'Adén, golfo d'Omán, canal de Mozambique |
| Superficie | 73.556.000 km² |
| Amplaria maxima | 10.000 km |
| Largaria costa | 66.600 km |
| Fondura meyana | 4.200 m |
| Fondura max. | 7.125 m (Fuesa de Java, Indonesia) |
| Volumen | 292.131.000 km³ |
| Mapa | |
 | |
L'oceano Indico ye uno d'os cinco oceanos, estando-ne o tercer volumen d'augua mas gran d'o mundo, y cubre alto u baixo lo 20% d'a superficie d'a Tierra. Muga a lo norte con o sud d'Asia; a l'ueste con a peninsula arabica y Africa; a l'este con a peninsula malaya, as islas Sonda, y Australia; y a lo sud con l'Antarctida.[1]
Ye desalpartau de l'oceano Atlantico por o meridiano 20 graus este, a lo sud d'Africa, y de l'oceano Pacifico por o meridiano 147 graus este. O punto mas a lo norte de l'oceano Indico ye alto u baixo a 30 graus norte de latitut d'o golfo Persico. L'oceano tien alto u baixo 10.000 km d'amplaria entre as puntas sud d'Africa y Australia; y la suya superficie ye 73.556.000 km², incluyindo-ie a mar Roya y o golfo Persico. O volumen de l'oceano s'estima en 292.131.000 km³ d'augua. Chicotas islas puntian os cantos continentals.
As nacions que se troban de raso en l'oceano son Madagascar (a cuatrena isla mas gran d'o mundo), Comoras, Seychelles, Maldivas, Mauricio y Sri Lanka. Indonesia lo rodia, y cuantas atras nacions en mugan: Sudafrica, Mozambique, Tanzania, Kenya, Somalia, Chibuti, Sudán, Echipto, Israel (con Eilat en o golfo d'Aqaba), Arabia Saudita, Yemen, Emiratos Arabes Unius, Bahrein, Qatar, Kuwait, Iraq, Irán, Pakistán, India, Birmania y Australia. A importancia de l'oceano como una rota de transito entre Asia y Africa lo ha convertiu en un foco de conflictos. En cualsiquier caso, denguna nación lo ha xalapau con exito dica prencipios d'o sieglo XIX cuan l'Imperio Britanico controlaba la mayor parte d'a tierra perimetral de l'oceano Indico.
Referencias
[editar | modificar o codigo]- ↑ (en) Jean-Claude Corbell y Ariane Archambault: The Visual Dictionary of Universe & Earth, QA International, 2009, ISBN 978-2-7644-0884-1, p.60.
Vinclos externos
[editar | modificar o codigo]
Se veigan as imáchens de Commons sobre l'oceano Indico.
| Os cinco oceanos d'a Tierra | |
|---|---|
| Atlantico | Glacial Antarctico | Glacial Arctico | Indico | Pacifico | |
| Control d'autoridaz |
|
|---|
Datos: Q1239- Multimedia: Indian Ocean / Q1239