Punta de Treserols

De Biquipedia
(Reendrezato dende Mont Perdito)
Ir ta: navego, busca
Punta de Treserols
MontePerdido.jpg
Anvista d'a punta de Treserols
Situación
Situación Flag of Aragon.svg Mallo d'As Tres Serols, Uesca, Aragón
Latitut 42° 40′ N
Lonchitut 0° 05′ E
Cheografía
Cordelera Pireneus
Altaria 3.355 m
Alpinismo
Primera puyada -
Rota mas fácil Dende o Cubillar de Góriz
Mapa
Perineu Aragonés (orografía).png
Montanya.svg
Start hand.svg Esta fuella ye escrita en belsetán.

La Punta de Treserols u Pico d'o Mont Perdito (oficialment Punta de Treserols / Monte Perdido) ye una punta d'es Pireneus centrals adintro d'a provincia de Uesca, en a comarca d'el Sobrarbe. La suya altaria maxima sobre lo nivel d'el mar ye de 3355 m y ye la punta mes altera d'el macizo de Las Tres Serols, lo macizo calsinoso mes voluminoso d'Europa. Lo pico Mont Perdito ye la segunda punta mes altera de tot el Pireneu, no rebasando-la que l'Aneto (3404 m), y situando-se per debant de la Tuca de la Maladeta (3312 m), todas dos en a comarca de la Ribagorza.

L'adchetivo «perdito» d'el suyo nombre le'l metió lo pireneísta francés Louis Ramond de Carbonnières, lo primer a puyar-ie alto, per no poder-se veyer esta punta dende la vesant francesa per a on que ell inició l'ascenso, en es prencipios d'el sieglo XIX (1802).

No existiba un termino patrimonial ta designar lo pico concreto d'El Monte Perdito en garra variedat de l'Aragonés, que se'l deciba como parte de Las Tres Serols, estando la denominación «Monte Perdito» una adopción d'es naturals de la valle de Bielsa a partir de la expresión orichinal de De Carbonnières y es suyos companyers, que el baltizoren como «Mont Perdu», en francés. Ta comprender esto cal pensar de como feban de poco interesants ta la vida d'antes las puntas, es picos y las alturas, a on que tradicionalment no se i puyaba se no ye que fués preciso ta bell menester, y que gosaban tener nombre sólo en es casos que fuesen puntas isolatas que marcasen bel·la fita cheografica que ise bien a denominar. En el caso d'el macizo de las Tres Serols, que se troba muto més t'alto que no garra nuclio poblato, en a cul de la valle de Pineta, y que per l'altaria que tiene ye petroso y no tiene tampoco garra estiva que le faiga intrés ganader, el nombre popular que ostentaba no feba referencia sique a la montanya (macizo) entera de la que fa parte, que ye Las Tres Serols. Ixo ye, que no se feba garra diferenciación d'entre es tres picos que composan el macizo.

Ciento diez anyos dimpués que De Carbonnières i puyás, en l'anyo 1912, lo macizo de Las Tres Serols el nombroren en chunto con a valle d'Ordesa (que i tiene la cul pe'l costato de ponient) lo segundo parque nacional d'Espanya, baixo el nombre de «Parque Nacional d'Ordesa y Mont Perdito».

Qualques imachens[editar | editar código]

Vinclos externos[editar | editar código]


 
3000 - Treserols (Torla/Fanlo/Bielsa)
Logo montagne Yama.svg
Anyisclo | Cabieto de ra Buega | Cabieto de ro Baciero | Canal Fonda | Corral Ciego | Crepas | Cuniestra | Espaldador | Faixón | Mallo de Marmorés | Mallo de Tormosa | Mallet de ro Portiello | Marmorés d'el Cul Chicot | Marmorés d'el Cul Gran | Plan de Marmorés | Punda de ro Cabieto | Punda Negra | Pundeta de Penya Roya | Repunda de ras Bruixas | Repunta de las Neveras | Sarrato | Solas | Penya de ro Baste | Tormosa | Tozalón de ra Nieu | Treserols | Ula