Punica granatum

Punica granatum
Punica granatum
Denominacions populars
minglanera / manglanera, mangranera, menglanera, mengranera, mingllanera, mangllanera
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Myrtales
Familia:	Lythraceae
Chenero:	Punica
Especie:	P. granatum
Descripción
Punica granatum L., 1753

Minglana, fruito de Punica granatum

A minglanera u mengranera (nombre cientifico Punica granatum) ye un arbusto cautivato por o suyo fruito, a minglana u mengrana.

Descripción

Ye caducifolio y puet gosar tener de 5 a 8 metros d'altaria. As fuellas son oposatas u suboposatas, brillants, oblongas u estreitas, enteras con 3–7 cm de largura y 2 cm d'amplaria.

As flors, con 3 cm de diametro, son de color roya brillant y tienen 5 petals. O fruito ye una baya globular con crosta coriacia, l'interior ye dividito en lobulos que tienen lumerosas simients revestitas con una cubierta dita sarcotesta, con polpa roya y sucosa. S'ubre espontaneyament cuan plega a estar matura.

Os paixaros en esta fase son atrayitos por a color roya d'as sarcotestas y se'n minchan as simients, que s'ixemenan con os suyos escrementos (dispersión endozoocora).

Historia

Ye una especie orichinaria d'una rechión que abraca dende l'Irán dica o norte d'os Himalayas. Lo introducioron como cautivo en Armenia y a rechión mediterrania, y dimpués se naturalizó por totas as zonas con clima mediterranio no guaire fridas.

Ye muito apreciata en as zonas deserticas por estar protechita d'a desecación por a suya pellete gruesa y coriacia, lo que permeteba que as caravanas la podesen trasportar grans distancias, sin de perder garra cualidat. Bi n'ha una antiga documentación. Se sape que se cautiva dende fa 5.000 anyatas lo menos en Asia occidental y Norte d'Africa, se trobaba en os chardins colgants de Babilonia y en os baixorrelieus echipcianos. Os antigos echipcianos preparaban con o suyo suco un vin lebero con gusto de chordón. Tamién ye mencionata en a biblia.

Hipocrates recomendaba o suco d'a minglana en contra d'a fiebre y como fortificant contra la malautía.

Os romanos asociaban a minglana a os fenicios y por ixo en deciban Punica. En Espanya no ye un fruito introducito por os musulmans como gosa decir-se, pus se'n conoixen representacions en l'arte iberico.

Producción

Minglaneras bordes y albandonatas arredol d'o Castiello d'Aledua y Llombai sin podar ni cullir-ne lo fruito

Os prencipals países productors son: Israel, Liban, Echipto, Tunicia, Espanya y Italia.

Simbolochía

Minglanera

Pa muitos pueblos ye una simbolo d'amor, de fertilidat y prosperidat:

• En a mitolochía griega, a primera minglana la plantó Afrodita, diosa de l'amor y la belleza. Ades, li ofreixió una minglana a Persefone pa seducir-la.
• En Chava, ye asociata a bels ritos que acomapanyan l'embarazo.
• En China, tienen como costumbre ofreixer-li una minglana a los recient casatos pa que tiengan una descendencia lumerosa (a color roya d'esta fruita ye una color que atraye a la buena fortuna d'alcuerdo con a tradición china).

Etimolochía

A parola "minglana" promana d'o latín mille grana.

Vinclos externos

• Se veigan as imáchens de Commons sobre a minglanera.
• Wikispecies tiene un articlo sobre Punica granatum.

• (es) A minglanera
• (es) A minglanera como árbol ornamental

• Datos: Q13188
• Multimedia: Punica granatum / Q13188
• Especies: Punica granatum