Chordón
.JPG)
Chordón ye una denominación popular ta's fruitos d'a chordonera (principalment, Rubus idaeus), que son drupas multiples («polidrupas») muit apreciatas en gastronomía y mas que mas en repostería.
Farmacolochía[editar | modificar o codigo]
- Advertencia: Biquipedia no ye un consultorio medico.
- Si creye que aprecisa d'aduya, por favor consulte con un profesional d'a salut.
.jpg)
.jpg)
.jpg)
Parti emplegata[editar | modificar o codigo]
Os suyos prencipios activos se troban tanto en as fuellas como en o fruito u as simients.
Composición quimica[editar | modificar o codigo]
Os fruitos contienen un 1-2% d'acidos organicos, d'os qualos un 90% ye acido citrico. Amás, en istos bi ha vitamina C, diversos zucres y pectina. As simients contienen un 24% d'aceite esencial y as fuellas flavonoides, mas que mas glucosidos de kempferol y taninos, os compuestos de fenol d'as fuellas que, como se sabe, tienen función antioxidant y oscilan entre 4,8 i 12,0 mg d'equivalents d'acido galico.
S'ha caracterizato por un numero considerable d'antocianinas, entre as qualas s'ha de destacar cianidin-3-soforosido, cianidin-3-(2(G)-glucosilrutinosido), cianidin-3-sambubiosido, cianidin-3-rutinosido y cianidin-3-xilosilrutinosido.
Usos medicinals[editar | modificar o codigo]
Amás d'estar comestible, d'o fruito se'n obtiene un xarope muit perfumato, colorants y modificadors d'a sabor.
Tradicionalment as fuellas s'han utilizato com a relaxant uterino, como estimulant y en infusión, ta o tractamiento de diarreras y atros trastornos gastro-intestinals. S'ha emplegato tamién en ista forma ta amillorar os simptomas d'os costipatos y en Europa tamién ta facilitar os partos.
Nombres populars[editar | modificar o codigo]
A denominación «chordón» (d'o preromano *jurdone[1]) ye cheneral por tot l'Alto Aragón. S'ha documentato con ixa parola dende a val de Benás[2] dica la val d'Ansó,[2] en l'extremo oposato d'o Pireneu d'Aragón. «Chordón» tamién s'emplega en Tarazona y o Moncayo. Manimenos, y como ye cosa cheneral en aragonés, amaneixen en as prospeccions lexicograficas qualques denominacions alternativas de forma puntual en bells lugars. P. ex. s'ha trobau a denominación «churlestre» exclusivament en Ansó,[2] a on que tamién i coexiste con a parola «chordón»,[2] y tamién s'ha puesto trobar a parola «churrustel» que no s'emplegaría si que en Luesia.[2]
Referencias[editar | modificar o codigo]
- ↑ (es) Laspeñas Garcia, Daniel: Correspondencias léxicas entre aragonés, catalán y occitano. Algunas relaciones en el mundo vegetal a la luz de las fuentes bibliográficas,Universidat de Zaragoza, 2022, p.421
- ↑ 2,0 2,1 2,2 2,3 2,4 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
