Matthew McConaughey
|
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de contenito u deficiencias de formato. Por favor, antis de reyalizar correccions mayors u reescrituras, contacte con ells en a suya pachina d'usuario u a pachina de descusión de l'articlo ta poder coordinar-ne la redacción. |
| Matthew McConaughey | |
|---|---|
.jpg) L'actor Matthew McConaughey en una imachen de 2019. | |
| Información personal | |
| Nombre real | Matthew David McConaughey |
| Calendata naiximiento: | 4 de noviembre de 1969 |
| Puesto naiximiento: |  Uvalde (Texas, Estaus Unius)
|
| Ocupación: | Actor |
| Conchuche: | Camila Alves (2012- ) |
| Fillos: | 3 |
| Premios Oscar | |
| Oscar a o Millor Actor: -2013: por Dallas Buyers Club. | |
| Globos d'Oro | |
| Globo d'Oro a lo Millor Actor Dramatico: -2014: por Dallas Buyers Club. Nominau a lo Globo d'Oro a lo Millor Actor de Miniseries u Telefilmes -2014: por True Detective | |
| Premios Emmy | |
| Premio Primetime Emmy a lo Millor Actor en Serie Dramatica -2014: por True Detective | |
Matthew David McConaughey (/məˈkɒnəheɪ/ mə-KON-ə-hay), naixiu d'Uvalde (Texas, Estaus Unius) o 4 de noviembre de 1969, ye un actor estausunidense, activo en o cine estausunidense dende primerías d'os anyos 1990 y con una destacada carrera cinematografica. O suyo primer papel destacau estió en a cinta de comedia Dazed and Confused en 1993 (Richard Linklater).[1][2][3] Dimpués de qualques papels como actor segundario, o suyo primer exito interpretativo estió en a cinta dramatica de cine de chudicios A Time to Kill, en 1996 (Joel Schumacher). A suya carrera progresó con as suyas interpretacions en a cinta de sciencia-ficción Contact en 1997 (Robert Zemeckis), con a cinta dramatica Amistad en 1997 (Steven Spielberg) y con a cinta de cine belico U-571 en l'anyo 2000 (Jonathan Mostow).
En os anyos 2000, McConaughey destacó en interpretando papels en cintas de comedia de cine romantico, protagonizando cintas como The Wedding Planner (2001, Adam Shankman), How to Lose a Guy in 10 Days (2003, Donald Petrie), Failure to Launch (2006, Tom Dey), Fool's Gold (2008, Andy Tennant) y Ghosts of Girlfriends Past (2009, Mark Waters), esdevenindo asinas un sex symbol.[4] En 2011, dimpués de dos anyadas d'inactividat en o mundo d'o cine, McConaughey pasó a interpretar papels más dramaticos, como lo drama chudicial The Lincoln Lawyer (2011, Brad Furman), la comedia negra Bernie (2011, Richard Linklater), u la cinta de cine policiaco Killer Joe (2011, William Friedkin). En 2012 recibió muitos parabiens por os suyos papels de stripper en Magic Mike y d'un fuchitivo en Mud.[5]
O papel de McConaughey de Ron Woodroof, un cowboy diagnosticau de SIDA, en o biopic Dallas Buyers Club (2013, Jean-Marc Vallée) estió amplament elochiada por a critica cinematografica y li comportó muitos reconoiximientos y parabiens, encluyendo-ie l'Oscar a lo Millor Actor. Dimpués continó con un papel segundario en The Wolf of Wall Street (2013, Martin Scorsese), y con o papel protagonista de Rust Cohle en a primera temporada d'a serie de televisión d'HBO True Detective (2014), una serie policiaca, que li comportó la suya nominación a lo Premio Primetime Emmy a lo Millor Actor en Serie Dramatica. En as suyas siguients cintas tenió diferents rans d'exito comercial y d'a critica, pero se pueden destacar as suyas interpretacions en Interstellar (2014, Christopher Nolan) y The Gentlemen (2019, Guy Ritchie), y os suyos papels como actor de voz en Kubo and the Two Strings (2016, Travis Knight), Sing (2016, Garth Jennings) y la suya seqüela Sing 2 (2021, Garth Jennings).
Primeras anyadas[editar | modificar o codigo]
Matthew David McConaughey naixió lo 4 de noviembre de 1969 d'Uvalde, en l'estau de Texas.[6] Su mai, Mary Kathleen (de soltera McCabe), ye una escritora y mayestra en un chardín d'infancia[7] orichinaria de Trenton, Nueva Jersey. Su pai, James Donald "Jim" McConaughey,[8] heba naixiu de Mississippi en 1929 y residió en Loisiana[9] a on i dirichiba un negocio de suministros ta benzineras; chugó en os equipes de fútbol americán Kentucky Wildcats y Houston Cougars.[10] Jim fue seleccionau por os Green Bay Packers t'a National Football League (NFL) en a 27ena ronda d'o draft d'a NFL en 1953, pero lo liberoron antis d'escomencipiar a temprada y mai no plegó a chugar en a NFL.[11] McConaughey tien entre los suyos abantpasaus angleses, alemans, irlandeses, escoceses y suecos, estando as suyas radices irlandesas en os condaus de Cavan y Monaghan.[6] Ye familia d'o cheneral de l'Exercito confederau Dandridge McRae.[12] Recibió una educación metodista.[13]
Os pais de McConaughey casoron tres vegadas y s'esvurciorn dos vegadas.[14] Tién dos chirmans más grans, Michael y Patrick (iste zaguero, adoptau).[15] Michael, clamau "Rooster", ye un millonario que s'ha feito a sí mesmo y que protagonizó la docuserie d'a CNBC West Texas Investors Club[16] y tamién, en 2018, ta l'A&E o reality show Rooster & Butch con Wayne (Butch) Gilliam.
McConaughey se tresladó en 1980 enta Longiew (Texas), asistindo-ie en a Longview High School. En 1988 marchó enta Australia en pensando que i asistiría a una escuela secundaria en Sydney. Tanimientres residió en Warnervale (Nueva Galas d'o Sud) una anyada mientres que estudeaba en a Gorokan High School (se tractaba d'un intercambeo d'estudiants d'o Rotary Youth Exchange) y treballaba como asistent ta un advogau y como caixero en una oficina de l'Australia and New Zealand Banking Group.[17][18] Dimpués asistió a la Universidat de Texas en Austin, a on se incorporó como miembro d'a chimandat estudiantil Delta Tau Delta.[19] Prencipió los suyos estudeos en agüerro de 1989 y los remató en a primavera de 1993 con una licenciatura en Sciencias de Radio, Cine y Televisión.
Filmografía[editar | modificar o codigo]
Referencias[editar | modificar o codigo]
- ↑ Halperin, Shirley (20 de chinero de 2012). "Matthew McConaughey Reprises 'Dazed and Confused' Breakout Role for Music Video". The Hollywood Reporter. https://www.hollywoodreporter.com/news/matthew-mcconaughey-wooderson-dazed-confused-butch-walker-283627.
- ↑ Grossman, Samantha (13 de chinero de 2015). "Treat Yourself to Matthew McConaughey's Dazed and Confused Audition Tape". Time. https://time.com/3665375/matthew-mcconaughey-dazed-and-confused-audition-tape/.
- ↑ Ihnat, Gwen (29 de chunio de 2017). "Matthew McConaughey deconstructs his signature phrase in this exclusive clip". The AV Club. https://www.avclub.com/matthew-mcconaughey-deconstructs-his-signature-phrase-i-1798534482.
- ↑ Pulver, Andrew (June 28, 2012). "Matthew McConaughey: from himbo to highbrow". The Guardian. https://www.theguardian.com/film/2012/jun/28/matthew-mcconaughey-killer-joe.
- ↑ (en) Rachel Syme: The McConaissance en The New Yorker.
- ↑ 6,0 6,1 "Matthew McConaughey hopes to send his kids to the Gaeltacht". IrishCentral. June 21, 2017. https://www.irishcentral.com/roots/proud-irish-american-matthew-mcconaughey-hope-to-send-his-kids-to-the-gaeltacht-video. "[McConaughey] quiere que los suyos nino faigan inmersión en a cultura d'Irlanda y en o craicy tamién que adquieran a cupla focail (un sinyalín d'irlandés). "Cal preservar as luengas gaelicas. Quiero que leigan a suya Literatura. Quiero que ballen riverdance. Quiero que digan 'grand' y 'lunatic "to the marvelous", deciba McConaughey. "quan seigan grans, quiero ninviarlos en ixe campamento de verano d'idioma irlandés que vustetz organizan. Ye como un rito d'iniciación ta vustetz, no?. Quan seigan adolescents quiero que lo charren con fluideza y ta ixo yo tamién he de fer un curso intensivo.""
- ↑ "Don't Call Matthew McConaughey 'Matt'". Jimmy Kimmel Live!. New York City: American Broadcasting Company. January 25, 2017. 19 sec. https://www.youtube.com/watch?v=UliCFpBZdjU. ""[Jimmy Kimmel]:Your mom was your kindergarten teacher? Yes. Yes."
- ↑ "James Donald McConaughey". geni.com. MyHeritage Ltd.. https://www.geni.com/people/James-McConaughey/6000000009461337410. "James Donald McConaughey; Birthdate: June 12, 1922; Birthplace: Uvalde, Texas, United States; Death: August 17, 1992 (70) ; Fort Bend County, Texas, United States (infarcto de miocardio)"
- ↑ "Hot Actor: Matthew McConaughey". August 22, 1996. https://www.rollingstone.com/movies/features/matthew-mcconaughey-19960822. "Jim McConaughey heba naixiu de Mississippi en 1929 y residiba en Morgan City, Loisiana, y mediba 6 pietz y 2 pulgadas con un peso de 220 libras quan prencipió a chugar como esfensa en l'equipe de fútbol americán entrenau por o lechendario Bear Bryant (con qui compartió embotada) en a Universidat de Kentucky. Se tresladó antis que Bear y chugó mientres dos temporadas en a Universidat de Houston, ganando un reloch como lo millor chugador d'a Conferencia antiis de fichar por os Green Bay Packers en 1953. Pero bien luego tornó en Texas con su novia, Kay, ta quedar-se finalment en Uvalde. "Matthew estió un accident," insiste Rooster."
- ↑ "Mark Story: Matthew McConaughey's dad played college football for ... Kentucky?". kentucky.com. February 24, 2014. http://www.kentucky.com/2014/02/24/3107024_mark-story-matthew-mcconaugheys.html.
- ↑ "1953 Green Bay Packers". databasefootball.com. http://www.databasefootball.com/teams/teamyear.htm?tm=GNB&yr=1953&lg=nfl.
- ↑ "60 Second interview: Matthew McConaughey". Metro. April 7, 2006. http://www.metro.co.uk/fame/interviews/article.html?in_article_id=11644&in_page_id=11.
- ↑ "No use putting out the welcome Matt". The New Zealand Herald. May 12, 2001. http://www.nzherald.co.nz/movies/news/article.cfm?c_id=200&objectid=188381.
- ↑ "Barbara Walters' Oscar Special". http://abclocal.go.com/kgo/story?section=entertainment&id=3949579.
- ↑ "Interesting facts about Matthew McConaughey". http://justfunfacts.com/interesting-facts-about-matthew-mcconaughey/.
- ↑ "Meet the Self-Made Millionaires of 'West Texas Investors Club'". http://www.inc.com/graham-winfrey/west-texas-investor-s-club-invades-shark-tank-nation.html.
- ↑ Barnes, Denice (March 4, 2014). "Oscar winner's Aussie affair". https://www.dailytelegraph.com.au/newslocal/central-coast/oscar-winner-matthew-mcconaugheys-aussie-love-affair-began-with-a-chance-meeting-in-texas/news-story/b32c5de119e599d45ce9327b4b3fa3a7.
- ↑ "You swam in George Harrison's pool!". March 26, 2021. https://www.abc.net.au/triplej/programs/simply-the-jest/neighbours/13267046.
- ↑ "The Castilian Dorm Serving the University of Texas Receives Upgrades (PR.com)". March 26, 2009. http://www.studenthousingplanet.com/2009/03/the-castilian-dorm-serving-the-university-of-texas-receives-upgrades-prcom.html.
Vinclos externos[editar | modificar o codigo]
Se veigan as imachens de Commons sobre Matthew McConaughey.- (en) Cuenta de Matthew McConaughey en Facebook.
- (en) Matthew McConaughey en Internet Movie Database.
- (en) Matthew McConaughey] en AllMovie.
- (en) Matthew McConaughey en Rotten Tomatoes.
- (en) Matthew McConaughey en Box Office Mojo.
- (en) Aparicions de Matthew McConaughey en C-SPAN.
