Facebook

De Biquipedia
Ir a la navegación Ir a la búsqueda
Facebook.

Facebook ye un servicio estatounitense de retz socials con seu en Menlo Park, California (Estatos Unitos), y un servicio emblematico d'a companyía homonima Facebook, Inc.


Historia[editar | editar código]

Estió fundau por Mark Zuckerberg en 2004, de conchunta con os suyos companyers estudiants de l'Universidat de Harvard y os suyos companyers de cambra Eduardo Saverin, Andrew McCollum, Dustin Moskovitz y Chris Hughes.

En febrero de 2012 salió a bolsa aconseguindo una valoración de 104 mil millons de dolars, a mas alta pa una interpresa que empecipia a acotizar.

O 9 d'abril de 2012 Facebook adquirió Instagram por 1000 millons de dolars,​ y en febrero de 2014 mercó o servicio de mensachería mobil WhatsApp por 16.000 millons de dolars.

En marzo de 2018 Facebook teneba mas de 2200 millons d'usuarios activos mensuals.

Creticas[editar | editar código]

Facebook ha estau sucheto a una amplia cobertura mediatica y de muitas contraversias. Istos a ormino embrecan privacidat de l'usuario (como que con l'escandalera de datos de Cambridge Analytica), manipulación politica (como que con as eslecions estatounitenses de 2016), efectos psicolochicos como adicción y baixa autoastima, y conteniu que qualques usuarios troban que arreparar, incluindo noticias falsas, teorías de conspiración y infraccions de dreitos d'autor. Tamién s'ha acusau a Facebook d'aduyar a espardir información falsa y noticias falsas.

Desembolique[editar | editar código]

Anyada Usuarios
2008 100 millions
chulio de 2009 250 millons
3 d'aviento de 2009 350 millions
setiembre de 2011 800 millions
agosto de 2015 1.500 millions
2018 2.200 millions

En a cultura popular[editar | editar código]

  • A cinta The Social Network de 2010 endrezada por David Fincher ye basada en o libro The Accidental Billionaires (Ben Mezrich, 2009) y narra os comienzos de Facebook.