Irlandeses

Irlandeses
Na hÉireannaigh

Rechions con comunidaz importants

Irlanda 4.333.000 (2020)

Estaus Unius	30.352.567 (2019)
Gran Bretanya	14.000.000
Canadá	4.627.005 (2016)
Australia	5.900.000
Archentina	1.000.000
Mexico	600.000
Aragón	115^[1]

Idiomas

Gaelico irlandés y anglés

Relichión

Catolicismo.

Pueblos relacionaus

Maneses, escoceses de los Highlands

Mapa

Los irlandeses^[2] (en gaelico irlandés Muintir na hÉireann u Na hÉireannaigh, en anglés Irish people) son los habitants nativos d'a isla d'Irlanda (Irlanda y Irlanda d'o Norte) dende a on muitos emigroron enta Estaus Unius, enta diferents colonias de l'Imperio Britanico y enta Latinoamerica, constituyindo-ie una diaspora irlandesa. Toz parlan anglés y només que bels mils charran encara lo gaelico irlandés como luenga materna. Son de relichión catolica.

Modo de vida tradicional

A base de la economía tradicional son a ganadería y l'agricultura. Son un pueblo que tien a la musica como una parte important d'a vida, y son especialment importants as cancions tradicionals y cualques instrumentos musicals.

Relichión

En l'antiguedat os irlandeses teneban una relichión politeísta común con atros pueblos celtas, dita druidismo. La cristianización d'Irlanda se produció en l'Alta Edat Meya. La tradición considera a sant Patricio como responsable d¡o principio d'a cristianización y capaz de fer convertir-se a la clase sacerdotal gaelica u fili (continadors d'os druidas). Os primers cristianos irlandeses no s'aliniaban con o catolicismo romano, y tendeban a lo pelachianismo. Bi habió una Ilesia Celta deseparada d'a Ilesia Catolica, caracterizada por un monaquismo cheneralizau. La Ilesia Celta d'Irlanda remató por unir-se a la Ilesia Catolica en a Baixa Edat Meya. Los irlandeses se facioron catolicos cerrinos como signo d'identidat etnica pa diferenciar-se d'os angleses que se facioron protestants en o sieglo XVI.

Luenga

Ta mas información, se veiga l'articlo prencipal sobre l'idioma irlandés.

Ta mas información, se veiga l'articlo prencipal sobre l'anglés irlandés.

En o sieglo XIX se cheneralizó l'uso de l'anglés (dialecto anglés irlandés), retaculando l'uso d'o gaelico irlandés enta zonas orientals de la isla. La independencia d'Irlanda ha suposau que l'irlandés siga cooficial con l'anglés, y tamién l'augmento de neoparlants pero no l'augmento de parlants nativos, continando la cheneralización de l'anglés irlandés como luenga d'uso corrient en os zaguers reductos de lo gaelico.