Conchuche

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Conchuches dimpués d'una voda a primerías d'o sieglo XX, 27 d'abril de 1935, Barcelona, Espanya

Conchuche ye qualsiquier d'as presonas fisicas que fan part d'un matrimonio, feito que en a nuestra cultura se fa platero meyante una voda. Os conchuches tienen diferents obligacions entre ells dependendo d'as diferents lechislacions. Una d'ellas ye a fidelidat conchugal, que se creba quan se fa adulterio. Atra obligación común ye o dreito d'alimentos.

Etimolochía

Provién d'o latín conjugem, que presenta a preposición con y a palabra jugem ("chubo"). Ye un cultismo que fa servir en dreito d'una forma que a muller se denomina a conchuche y lo marito o conchuche. En a ortografía de l'aragonés medieval s'escribiba conjuge u coniuge, equivalendo estas i y g a l'actual ch. A palabra "conchuche" se relaciona con a palabra "conchugación", tamién cultismo, y con a palabra patrimonial chubo.

Et nos, ditos Johan d'Atiença et María de las Muelas, conjuges, de vos, dito don Johan de Manariello, procurador sobredito, el dito patio de suso confrontado a trehudo por el dito tiempo de los ditos XXXX anyos