Lepus europaeus
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Lepus europaeus | |
|---|---|
 | |
| Denominacions populars | |
Liebre europea, llebre europea, liepre europea
| |
| Estato de conservación | |
| Clasificación scientifica | |
| Eukaryota | |
| Animalia | |
| Mammalia | |
| Lagomorpha | |
| Leporidae | |
| Lepus | |
| L. europaeus | |
| Descripción | |
Lepus (Eulagos) europaeus
Pallas, 1778 | |
| Distribución cheografica | |
 | |
A liebre europea u comuna (Lepus europaeus (Pallas, 1778)), tamién llebre en Ribagorza y partes de Sobrarbe,[1] ye un mamifero lagomorfo de a familia Leporidae, nativo d'Europa, a Peninsula d'Anatolia y buena cosa d'Asia central y as estepas.
Caracteristicas[editar | modificar o codigo]
Ye un lagomorfo de gran mida, con pesos que bailan d'entre os 2,5 y os 7 kilogramos, d'entre 48 y 73 centimetros de lonchitut y bells 35 centimetros d'altaria en a grupa. Tiene a cabeza chicorrona en relación a o cuerpo, y as patas largas.
As orellas, que son prominents como en totz os lagomorfos, resultan especialment largas, con una lonchitut que gosa pasar abant d'o mueso de l'animal quan se le'n estira t'adebant.
Hábitat[editar | modificar o codigo]
As liebres tienen preferencia por os espacios obiertos. Se'n suele trobar en os campos y en os praus con matullar en as marguins, a on que i puedan trobar puestos ta amagar-se.
Se'n troba de forma natural por toda Europa, sacando-ne as Islas Britanicas (a on que ye una especie introducida), os 4/5 mas en norte de a Peninsula d'Escandinavia, y a mayoría d'a Peninsula Iberica, a on que o suyo nincho ecolochico l'ocupa la especie Lepus granatensis.
En Aragón, habita, de forma ideyal,[1] en norte d'o río Ebro, que tradicionalment se cita como a muga meridional de a suya distribución en a Peninsula.[1] En sud de o dito río ya no se i trobaría sique a suya parient L. granatensis.[1]
Se veiga tamién[editar | modificar o codigo]
Referencias[editar | modificar o codigo]
- ↑ 1,0 1,1 1,2 1,3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
Vinclos externos[editar | modificar o codigo]
Se veigan as imachens de Commons sobre Lepus europaeus.
