Islas britanicas
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Islas britanicas | |
|---|---|
.jpeg) Fotografía satelite d'as islas britanicas. | |
| Localizazión | |
| Estato | .svg){kind=small} Reino Unito Irlanda
|
| Oceano | Atlantico |
| Cheografía | |
| Superficie | 315.134 km² |
| Punto más alto | 1.344 (Ben Nevis) |
| Demografía | |
| Población | 64.500.000 habitants |
| Chentilicio | Britanico, britanica |
| Atros datos | |
| Islas | Mas de 6.000 |
| Mapa | |
 Localización d'as islas britanicas en Europa. | |
Se conoix con o nombre d' Islas Britanicas (British Isles en anglés, Éire agus an Bhreatain Mhór u Oileáin Iarthair Eorpa en irlandés, Ny h-Ellanyn Goaldagh en manés, Eileanan Bhreatainn en gaelico escocés, Ynysoedd Prydain en galés) a un archipielago que se troba situato en as costas noroccidentals d'Europa, formato por dos grans islas (a isla d'Irlanda y a isla de Gran Bretanya) y por quantas atras islas mas chicotas. Iste archipielago, situato en l'Oceano Atlantico, ye deseparato d'o continent europeu por a mar d'o Norte a l'este, que lo desepara de Dinamarca (u millor d'a peninsula de Chutlandia) y d'a peninsula escandinava, y por a canal d'a Manga a o sud, que lo desepara de Francia. Antiparte, a mar d'Irlanda desepara a isla d'Irlanda a l'ueste y a isla de Gran Bretanya a l'este.
A suya población ye de bells 64,5 millons d'habitants, en una superficie de 315.134 km².
A mas d'as dos islas prencipals, tamién en fan parte a isla de Man, a isla de Wight, a isla d'Anglesey, as islas Syllan (Scilly en anglés), as islas Orcadas (Àrcaibh en gaelico escocés, Orkney en anglés), as islas Shetland (Sealtainn en gaelico escocés), as islas Gall (Hebrides en anglés) y a isla de Portland; tamién en fan parte quantas islas mas chicotas.
Politicament, as islas britanicas se troban dividitas entre dos países: Irlanda, o país mas chicot, que ocupa a mayor parte d'a isla d'Irlanda, y o Reino Unito, que ocupa a isla de Gran Bretanya y tamién a parte nororiental d'a isla d'Irlanda (a dita Irlanda d'o Norte).
Vinclos externos[editar | modificar o codigo]
Se veigan as imáchens de Commons sobre as islas britanicas.
