Festival Pirineos Sur

De Biquipedia
(Reendrezau dende Festival Pireneus Sud)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Festival Internacional d'as Culturas Pirineos Sur

Información cheneral
Localización Lanuza (Uesca)
Calendata D'o 9 a lo 26 de chulio (2009)
Organizador Deputación Provincial de Uesca
Pachina web http://www.pirineos-sur.es

Pirineos Sur ye un festival musical y cultural que se organiza anyalment en a localidat de Lanuza, en Uesca. Mientres as dos semanas se realizan diferents conciertos asinas como exposicions, tallers, mercatos y pasavilla.

Situación[editar | modificar o codigo]

O Festival se troba en a localidat tensina de Lanuza, a poquez kilometros de Sallent de Galligo. O escenario flotant ye situato en l'entibo de Lanuza y as gradas se troban en a ladera d'a montanya. Tot o enclau ye rodiato por Os Pireneus lo que fa que sía muit polito.

O Festival[editar | modificar o codigo]

O prencipal obchectivo d'o Festival ye creyar vinclos de toleracia y comprensión entre as diferents culturas. D'a mesma traza, ye un gran atractivo turistico ta la zona. L'afluencia anyal gosa variar, en 2007 s'amanoron a lo festival mas de 50.000 personas a lo largo d'as mas de dos semanas de durada que'n tien.

Os estilos musicals varían dende flamenco, hip hop, salsa u folk dica percusión africana, reggae y jazz. Por o escenario han pasato artistas importants internacionalment como Carlinhos Brown, Compay Segundo, Orishas y Alpha Blondy. Igual de important ye l'afluencia d'artista de tot o estato espanyol: Antonio Carmona, José Mercé, Carmen París, Ojos de Brujo, Macaco u Paco de Lucía.

Actividaz Paralelas[editar | modificar o codigo]

Mercato en Sallent

En Sallent de Galligo, localidat vecina y capital d'o municipio, se fan toz os días una serie de actividaz paralelas a los conciertos. Mientres tot o festival se fa o Mercato d'o Mundo, una serie de botigas a on que se puede fer una gambada. Se i pueden trobar tot tipo d'articlos de caracter etnico. Son muit populars os vestitos sudamericans y tamién os diferents obchectos decorativos y feguras africanas. Tamién bi ha cuantos puestos con tabiernas a on que se puede minchar comida local y d'atros puestos d'o mundo. A diario se fan diversos tallers en as carreras, entre os que se troban dende danzas tribals dica acrobacias aerias. O pasavilla anima as carreras de Sallent con diferents espectaclos funambulescos y chicoz teatros. Ta os mas chicorrons se i fan actividaz especials que incluyen teatros, cuentacuentos y chuegos infantils.

Edicions[editar | modificar o codigo]

Chóvens chunto a lo entibo en o Pirineos Sur
  • 1994: Africa Negra
  • 1995: O Mediterranio
  • 1996: O Caribe
  • 1997: A Lusofonía
  • 1998: Cuba. A isla d'a musica
  • 1999: A musica d'o Islam. As mil y una musicas
  • 2000: O meridiano cero. En a linia
  • 2001: Dezaga d'as trazas d'a musica negra
  • 2002: Especial Rom2003: America Latina
  • 2003: Os ritmos cruzatos d'America Latina
  • 2004: As musicas d'o Sahel: O blues d'a muga
  • 2005: En as muga d'America d'o Norte
  • 2006: 15 anyos de Pireneus Sur
  • 2007: Cuan o río sona
  • 2008: Africa Urbis
  • 2009: Atlantico Negro
  • 2010: Bicentenario Independencias Latinoámerica
  • 2011: Tribus Ibericas
  • 2012: En busca d'o sud
  • 2013: Metropolis
  • 2014: Femenín Plural
  • 2015: Mugas, ¿mezcla o barreta?
  • 2016: África Futura
  • 2017: Amaneixer Latín

Pireneus Sur 2008[editar | modificar o codigo]

O festival baixo lo títol "África Urbis" se realizó d'o 10 a lo 26 de chulio.

Beluns d'os artistas convidatos estioron: Peret, Smod, Amadou & Mariam, Tony Allen, Maghrebika, Djamel Laroussi, Bidinte, Bigg, Idir, Alpha Blondy, Johnny Clegg, Cheikha Rabia, Ex-Centric Sound System, Konono Nº 1 entre atros.

Vinclos externos[editar | modificar o codigo]