Ir al contenido

La grande illusion

De Biquipedia
La grande illusion
Títol La grande illusion
Póster d'a cinta.
Póster d'a cinta.
Ficha tecnica
Dirección Jean Renoir
Aduyant de dirección Jacques Becker
Robert Rips
Producción Albert Pinkovitch
Frank Rollmer
Disenyo de producción Eugène Lourié
Guión orichinal Jean Renoir
Charles Spaak
Musica Joseph Kosma
Soniu Joseph de Bretagne
Fotografía Christian Matras
Montache Marthe Huguet
Marguerite Renoir
Escenografía Eugène Lourié
Vestuario René Decrais
Maquillache Raffels
Actors Jean Gabin
Marcel Dalio
Pierre Fresnay
Erich von Stroheim
Dita Parlo
Julien Carette
Gaston Modot
Georges Péclet
Werner Florian
Jean Dasté
Sylvain Itkine
Color Blanco y negro
Datos y cifras
País(es) Francia
Anyo 1937
Debantadera 8 de chunio de 1937 París (Francia)[1]
Chenero(s) Cine de drama
Cine belico
Durada 114 min.
Idioma(s) Francés
Alemán
Anglés
Ruso
Companyías
Productora(s) Réalisation d'Art Cinématographique
Distribución Réalisation d'Art Cinématographique
Recauto 414.620 dólars
Informacions en bases de datos especializadas:

La grande illusion (títol orichinal en francés, en aragonés A gran ilusión, enguerada en Aragón con o suyo títol traduciu enta lo castellano como La gran ilusión) ye una cinta de l'anyo 1937 de cine de drama belico de cine francés dirichida por Jean Renoir seguntes un guión orichinal d'él mesmo y de Charles Spaak, con una dirección de fotografía de Christian Matras, una banda sonora orichinal de Joseph Kosma y una producción cinematografica a'l cudiau d'Albert Pinkovitch y Frank Rollmer ta la productora cinematografica Réalisation d'Art Cinématographique. Composan l'elenco d'actors d'a cinta Jean Gabin, Marcel Dalio, Pierre Fresnay, Erich von Stroheim, Dita Parlo, Julien Carette, Gaston Modot, Georges Péclet, Werner Florian, Jean Dasté y Sylvain Itkine, entre d'atros.

Mientres a Primera Guerra Mundial, o Rittmeister von Rauffenstein fa cayer un avión francés en servicio d'observación pilotau por o capitán Boëldieu , un aristocrata francés, y lo tenient Maréchal, de clase treballadora. Von Rauffenstein pregunta si son aristocratas ta convidar-los a minchar d'estar asinas. Bien luego descubre que conoixeba a Boëldieu d'antes d'a guerra y comparte con él anecdotas d'a suya vida anterior, amostrando asinas una solidaridat de clase social entre toz dos. Dimpués levan a los presoners a un campo de presoners de guerra y cuan se ye fendo una representación teatrals, os presoners conoixen que mientres a batalla de Verdún l'exercito francés ha capturau o Fuerte Douaumont y Maréchal canta enfervorizau La Marseillaise, l'himno nacional d'o suyo país, y como consecuencia lo castigan. Posteriorment los tresladan enta un atro campo, a on tornan a coincidir con von Rauffenstein, a qui como consecuencia d'as suyas feridas de guerra han retirau d'o servicio activo. En ixe campo tornan a trobar.se con Rosenthal, un cabalero chodigo a qui heban conoixiu en os suyo primer campo, y que lis proposa de fugar-se. En a fuga, Boëldieu muere accidentalment encara que von Rauffenstein preba d'evitar-lo y encara en ixe inte comparten solidaridat de clase. Qui ha conseguiu fugar-se son Maréchal y Rosenthal, que en marchar enta la muga con Suiza conoixen a Elsa, una vídua alemana de qui Maréchal s'enamora.

A cinta s'ambienta en Francia y Alemania en 1916 y 1917 mientres a Primera Guerra Mundial y las suyas escenas se filmoron en o castiello d'Haut-Koenigsbourg en Orschwiller en o Baixo Rin, en Kolmar y atras localidaz en l'Alto Rin y en Chamonix en l'Alta Saboya en Francia, amás d'en estudios cinematograficos en Sena-Sant Denís y Altos d'o Sena.[2]

La grande illusion ye considerada como una d'as millors cintas d'a Historia d'o Cine y recibió cuantos premios y nominacions, en destacando una nominación a los Premios Oscar en a suya 11ena edición (a la Millor Cinta). Tanimientres, a cinta tenió problemas con a censura mientres o Tercer Reich por o suyo antimilitarismo pero tamién en os primers momentos d'a Segunda Guerra Mundial en Francia y mientres a Francia de Vichèi os alemans destruyoron todas as copias d'a cinta, que se consideró dica los anyos 1980 como una cinta perdida y que nomás podió recuperar-se que anyadas dimpués con una copia procedent d'a Unión Sovietica (que fácil que los sovieticos obtenesen mientres a batalla de Berlín a finals d'a guerra).

Elenco[3]

[editar | modificar o codigo]
Actor Papel Notas
'

Se veiga tamién

[editar | modificar o codigo]

Referencias

[editar | modificar o codigo]
  1. ↑ (en) Enguero de La grande illusion en Internet Movie Database.
  2. ↑ (en) Localizacions de La grande illusion en Internet Movie Database.
  3. ↑ (en) La grande illusion en Internet Movie Database.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=La_grande_illusion&oldid=2190055"