La Poblla de Fantova

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre La Poblla de Fantova. Ta atros emplegos d'o toponimo La Puebla se veiga La Puebla (desambigación).

La Poblla de Fantova
Lugar d'Aragón
Castiello de Fantoba.
Entidat  • País  • Provincia  • Comarca  • Municipio	Lugar  Aragón  Uesca Ribagorza Graus
Partiu chudicial	Balbastro
Población  • Total	106 hab. (2018)
Altaria  • Meyana	709 m.
Distancia  • 93 km	enta Uesca
Codigo postal	22430
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Asumpción de Ntra. Sra.
Coordenadas	42°15’33’’N 0°23’51’’E
La Poblla de Fantova La Poblla de Fantova en Aragón
Web oficial

Esta pachina ye escrita en ribagorzano.

La Poblla de Fantoba (oficialment en castellano La Puebla de Fantova, en catalán La Pobla de Fontova) é un llugar de Ribagorza situau a'l nord-este de Graus, perteneixient a iste municipio. En 2018 la suya población yeba de 106 habitants.

Toponimia

El suyo nombre fa referencia a Fantova, que yeba un llugar mas gran y mas alto cuan apareixió el nuclio de La Poblla de Fantoba.

Cheografía

Cheodesia

Bi ha un vértiz cheodesico a una altaria de 745 metros dende o livel d'a mar en o tozal a on se troba a ermita d'o lugar, a bels 150 m a o nord-este d'ella.

Hablla

En La Poblla s'hablla una variedat de l'aragonés baixorribagorzano con moltas influencias de Sobrarbe, que i han allegau pe'la vall de La Fueba que i é molto cerca, tanto é aixinas que La Poblla é de los pocos llugars de Ribagorza a none a prencipios d'el siglo XX se va documentar que se i usase lo preterito perfecto sintetico, que é tan tipico de l'aragonés de Sobrarbe y mes ta ponent tamé, pero que no s'asiente pas en Ribagorza. Igualment que pasa en La Fueba, en La Poblla y los llugars que tiene cerca, el preterito perfecto sintetico i coexiste con el perifrastico tipico de Ribagorza, y ixo é ben raro por astí en la comarca.

En 1905, Jean Joseph Saroïhandy se va trobar con esta hablla y va transcribre una pastorada tradicional que's i va sentir a los vecinos de La Poblla. Un d'els rasgos mas sorprenents d'ixe texto ye, entre otras cosas, la presencia cuasi cheneral tamé de los participios remataus en -ato, como tamé se's va trobar en Perraruga. Este rasgo, que hasta que s'han puesto coneixer aquellos textos se teniban per excllusivos de l'aragonés central (Sobrarbe y Alto Galligo) pueden ebudeyar a cualsiquiera que s'heiga interesau per la situación de l'aragonés oriental, pos de bot contrebuyen a demostrar las teorías de que en oltros tiempos ixe rasgo, el de los participios, i heba estau mes estendiua de lo que se pensa. Se transcribe con la grafía que Saroïhandy i va empllegar:

Desesperato.
Fa como tres dias
que perdié lo repatano
he corrito a quatre suelas,
galopand como un cavallo
por los montes de La Poblla
i ni las trazas n'he trovato.

La Poblla de Fantoba, 1905

Molimentos

• Illesia del sieglo XVI con elementos renaixentistas.
• Ermita de Sant Clement, romanica.
• Ermita de la Virchen de Laude, sieglo XVII.
• Castiello de Fantova.

Fiestas

Dedicatas a la virchen de Llagure (Laude como se conoix hoi), 8 de setiembre, feitas el penultimo cabo de semana d'agosto.

Vinclos externos

• www.fantova.es

• Datos: Q4136196
• Multimedia: Puebla de Fantova / Q4136196