Villanueva de Galligo

	Villanueva de Galligo; Villanueva de Gállego
	Municipio d'Aragón
Entidat; • País; • Provincia; • Comarca	Municipio; Aragón; Zaragoza; Comarca Central
Partiu chudicial	Zaragoza
Mancomunidat	Central
Superficie	76 km²
Población; • Total	; 4806 hab. (2013)
Altaria; • Meyana	; 244 m.
Distancia; • 13 km	; enta Zaragoza
Alcalde	Jesús Gayán Carceller
Codigo postal	50830
Parroquial; • Archidiocesi; • Arcipestrau; • Parroquia	; Zaragoza; Zuera; O Salvador
Ríos	Galligo
Coordenadas	41°46’ 5’’N 0°49’35’’U
	Villanueva de Galligo Villanueva de Galligo en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Villanueva de Galligo (en castellano Villanueva de Gállego) ye una villa y municipio aragonés d'a provincia de Zaragoza situata en a Comarca Central.^[1]

A suya población ye de 4.728 habitants (2020), en una superficie de 76,00 km² y una densidat de población de 62,21 hab/km².

Cheografía

A villa de Villanueva de Galligo ye situata a 244 metros d'altaria sobre o livel d'a mar, a o canto d'o río Galligo y a una distancia de 13 km d'a ciudat de Zaragoza, a capital d'a suya comarca, d'a suya provincia y d'Aragón.

Historia

L'orichen d'a villa debió d'estar en un rolde de casas de labranza que asinas fuoron establindo o nuclio urbán, trestallato perfectament en dos vicos, o Barrio Alto y o Barrio Baixo. Una serie d'edificacions soladas, que son conoixidas con o nombre de "torres" (casa tipica de l'Aragón mas rural y amanau ta la ciudat) son o recuerdo d'un habitat mas esparramicato.

Villanueva estió mientres bels sieglos parti d'una sinyoría que o rei Pero IV d'Aragón deixó t'a ciudat de Zaragoza ta financiar a guerra por conquerir a Corona de Castiella. Alavez pasó a estar Villanueva un lugar de Zaragoza, encara que con alcalde y rechidor propios que a suya esleción heba de fer-se con l'asentimiento d'o Concello de Zaragoza. En o fogache de 1495 figura como barrio de Zaragoza.^[2]

A la fin d'o sieglo XVIII se convertió en un concello independient.

En o sieglo XII i tenió a suya seu un monesterio d'a Orden de Cistels que lo tresladoron ta Rueda.

Toponimia

O nombre arabe d'ista villa estió Burchazut (escrito cuasi siempre Burjazut en documentos medievals), nombre que actualment ye tamién o d'una imachen d'a Virchen venerata en o lugar y a suya redolada (Nuestra Señora de Burjazud, pero con j velar castellana). En o sieglo XV ya amaneixe o nombre de Villanueva de Burjazut, y como prueba que a j se pronunciaba ch en a "Documentación Medieval de la Casa de Ganaders de Zaragoza" trobamos escrito Villanueva de Burchaçut en un texto de fins d'o sieglo XV (cuan s'encomienza a copiar a ortografía castellana on a ch no representa una k en cultismos como en a ortografía medieval aragonesa):

E esto an feyto los ditos, sabiendo los prebilegios de Çaragoça et de la Casa de los Ganaderos los cuales fueron yn timados a los jurados e procuradores et hotros honbres del lugar de Villanueba de Borchaçut.

O nombre actual d'a villa no apareixe en documentos oficials dica o sieglo XVII.

Demografía

Evolución demografica

1362 f	1495 f	1842	1857	1860	1877	1887	1897	1900
-	-	536	1.203	1.158	1.263	1.422	1.349	1.384

1910	1920	1930	1940	1950	1960	1970	1981	1991
1.385	1.741	2.064	2.069	2.109	2.137	2.235	2.358	2.460

1992	1994	1996	1997	1998	1999	2000	2001	2002
-	-	2.734	-	2.860	2.963	3.134	3.271	3.441

2003	2004	2005	2006	2007	2008	2009	2010	2011
3.488	3.662	3.790	3.903	4.013	4.013	4.101	4.376	4.526

2012	2013	2014	2015	2016	2017	2018	2019	2020
4.611	4.606	4.616	4.614	4.678	4.656	4.661	4.720	4.728

2021	2022	2023	2024	2025	2026	2027	2028	-
4.725	4.769	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals^[3]
Partiu	1979	1983	1987	1991	1995	1999	2003	2007	2011	2015	2019
Independients	5	-	-	-	-	2	5	6	3	0	5
Ciudadanos	-	-	-	-	-	-	-	-	-	5	3
Partido de los Socialistas de Aragón	-	2	3	5	3	3	2	1	3	3	2
Partido Popular	-	2	1	0	6	4	1	1	2	2	1
Compromiso con Aragón	-	-	-	-	-	-	-	-	-	1	-
Chunta Aragonesista	-	-	-	-	-	-	-	0	1	0	-
Centro Democrático Liberal	-	-	-	-	-	-	-	3	2	-	-
Partido Aragonés	-	7	5	3	2	2	1	0	-	-	-
Centro Democrático y Social	-	-	2	3	-	-	2	-	-	-	-
Organización Revolucionaria de Trabajadores	3	-	-	-	-	-	-	-	-	-	-
Unión de Centro Democrático	3	-	-	-	-	-	-	-	-	-	-
Total	11	11	11	11	11	11	11	11	11	11	11

Alcaldes

Lista d'alcaldes
Lechislatura	Nombre	Partiu politico
1979–1983	José Tomás Calvo Ovede	Unión de Centro Democrático
1983–1987
1987–1991
1991–1995
1995–1999
1999–2003
2003–2007
2007–2011	José Manuel Garisa Sanagustín	Independient
2011–2015	Jesús Gayán Carceller	Federación d'Independients d'Aragón
2015–2019	Mariano Marcén Castán	Ciudadanos
2019–2023	Mariano Marcén Castán	Federación d'Independients d'Aragón
2023–2027	Mariano Javier Marcen Castan ^[4]	Federación d'Independients d'Aragón

Cultura

En o suyo termín municipal ye situata a Universidat Sant Chorche, una universidat privata con facultats de Comunicación y Ciencias Socials, Ciencias d'a Salut, Escuela d'Arquitectura y Tecnolochía, Instituto de Luengas Modernas y Instituto de l'Humanismo y Sociedat podiendo obtenir os titols de Periodismo, Publicidat y Relacions Publicas, Comunicación Audiovisual, Traducción y Comunicación Intercultural, Farmacia, Incheniería Informatica y Arquitectura. A mas a mas d'oferir tamién a posibilidat de fer diferents másters y doctoratos.

Esporte

O fútbol ye representato por o Villanueva Club de Fútbol.

Molimentos

Ilesia d'o Salvador, d'estilo modernista.

Lugars achirmanaus

Pavia, en rechión francesa d'Occitania, departamento d'o Gers (Francia).

Se veiga tamién

Linia 200 d'Adif.
- Estación de Villanueva de Galligo.

Vinclos externos

Referencias

↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.542
↑ (es) Antonio Serrano Montalvo: La población de Aragón según el fogaje de 1495 Volumen 1. Institución Fernando el Católico, 1995
↑ Archivo electoral
↑ (es) Consulta el listado de alcaldes que han sido proclamados en Aragón en Heraldo de Aragón

Municipios d'a Comarca Central
Alfacharín \| Botorrita \| Lo Burgo d'Ebro \| Cadret \| Cuart de la Uerba \| Exaulín \| Fuents d'Ebro \| María de la Uerba \| Mediana d'Aragón \| Mozota \| Nuez d'Ebro \| Osera d'Ebro \| Pastriz \| La Pobla d'Alfindén \| Sant Mateu de Galligo \| Utevo \| Villafranca d'Ebro \| Villamayor de Galligo \| Villanueva de Galligo \| Zaragoza \| Zuera

Datos: Q1639259
Multimedia: Villanueva de Gállego / Q1639259

[1] (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.542

[FOGACHE-2] (es) Antonio Serrano Montalvo: La población de Aragón según el fogaje de 1495 Volumen 1. Institución Fernando el Católico, 1995

[3] Archivo electoral

[4] (es) Consulta el listado de alcaldes que han sido proclamados en Aragón en Heraldo de Aragón

[1]

[2]

[3]

[4]