Ir al contenido

Ivanhoe (cinta de 1952)

De Biquipedia
Iste articlo ye sobre una cinta anglo-estausunidense de cine d'aventuras de 1952; ta atros usos, se veiga Ivanhoe (desambigación) y Ivanhoe (cinta).
Ivanhoe
Títol Ivanhoe
Póster d'a cinta.
Póster d'a cinta.
Ficha tecnica
Dirección Richard Thorpe
Aduyant de dirección Brian Humphries
Jack Martin
Dirección artistica Alfred Junge
Producción Pandro S. Berman
Guión adaptau Aeneas MacKenzie
Noel Langley
Marguerite Roberts
Basau en Ivanhoe, novela de Walter Scott (1819)
Musica Miklós Rózsa
Fotografía Freddie Young
Montache Frank Clarke
Vestuario Roger K. Furse
Maquillache Charles E. Parker
Peluquería Joan Johnstone
Efectos especials Tom Howard
Casting Irene Howard
Actors Robert Taylor
Elizabeth Taylor
Joan Fontaine
George Sanders
Emlyn Williams
Robert Douglas
Finlay Currie
Felix Aylmer
Francis De Wolff
Norman Wooland
Basil Sydney
Harold Warrender
Patrick Holt
Roderick Lovell
Sebastian Cabot
John Ruddock
Michael Brennan
Megs Jenkins
Valentine Dyall
Lionel Harris
Carl Jaffe
Guy Rolfe
May Hallatt
Robert Brown
Martin Benson
Jack Churchill
Color Technicolor
Datos y cifras
País(es) Reino Uniu
Estaus Unius
Anyo 1952
Debantadera 12 de chunio de 1952 Royal Film Performance (Londres, Reino Uniu)[1]
13 de chunio de 1952 Reino Uniu[1]
31 de chulio de 1952 Nueva York (Nueva York, Estaus Unius)[1]
Chenero(s) Cine d'aventuras
Cine de drama
Cine de romance
Durada 107 min.
Idioma(s) Anglés
Companyías
Productora(s) Metro-Goldwyn-Mayer
Distribución Loew's Inc.
Estudio(s) MGM British Studios
Presupuesto 3.842.000 dólars
Recauto 10.878.000 dólars
Informacions en bases de datos especializadas:

Ivanhoe (títol orichinal d'a cinta, enguerada en Aragón con ixe mesmo títol) ye una cinta de cine d'aventuras dramatico-romanticas de l'anyo 1952 coproducida por o cine britanico y lo cine estausunidense, dirichida por Richard Thorpe seguntes un guión adaptau por Aeneas MacKenzie, Noel Langley y Marguerite Roberts (basau en a novela Ivanhoe, publicada por Walter Scott en 1819), con una banda sonora orichinal de Miklós Rózsa, una dirección de fotografía de Freddie Young y una producción cinematografica de Pandro S. Berman ta la productora cinematografica Metro-Goldwyn-Mayer. De l'elenco d'a cinta en fan parte, en os suyos papels principals, os actors Robert Taylor, Elizabeth Taylor, Joan Fontaine, George Sanders, Emlyn Williams, Robert Douglas, Finlay Currie, Felix Aylmer, Francis De Wolff, Norman Wooland, Basil Sydney, Harold Warrender, Patrick Holt, Roderick Lovell, Sebastian Cabot, John Ruddock, Michael Brennan, Megs Jenkins, Valentine Dyall, Lionel Harris, Carl Jaffe, Guy Rolfe, May Hallatt, Robert Brown, Martin Benson y Jack Churchill.

En incluyir a Marguerite Roberts en a lista negra de Hollywood d'o clamau Comité d'Actividaz Anti-americanas promoviu por o senador Joseph McCarthy mientres que se yera rodando la cinta, a productora Metro-Goldwyn-Mayer solicitó y obtenió d'o Screen Writers Guild l'autorización ta suprimir o suyo nombre d'os títols de credito d'a cinta, encara que posteriorment se li restablió la suya autoría d'o guión cinematografico d'a cinta.

En tornar enta lo suyo reino d'Anglaterra dimpués de partecipar en a Tercera Cruzada, lo rei Ricardo I d'Anglaterra desaparixe. Ivanhoe, que encara que ye un saxón ye partidario d'o rei, lo busca, dica que troba que l'ha feito presonero lo duque Leopoldo d'Austria, qui demana como rescate una gran cantidat de diners. Ivanhoe tamién conoix en ixe momento que lo chirmano d'o rei, Chuan Sin Tierra, aproveita d'a situación ta gubernar o país en o suyo propio proveito amagando la petición de rescate de l'austriaco. Ivanhoe torna en Anglaterra y contacta con os normandos partidarios d'o rei, sir Brian de Bois-Guilbert y sir Hugh de Bracy y los leva en casa de su pai, Cedric o Saxón, un d'os pocos representants d'a nobleza saxona anterior a la conquiesta normanda d'Anglaterra, pero su pai no ye masiau conforma con que su fillo sía partidario d'un normando. Lady Rowena, a pupila de Cedric, ye la novia d'Ivanhoe y preba de fer una reconciliación, pero finalment Ivanhoe marcha, en busca d'os 150.000 marcos de plata d'o rescate. En casa de su pai ha coincidiu con Isaac de York, un chodigo a qui bien luego atacan un soldaus normandos, defendendo-lo Ivanhoe, qui l'escolta dica la suya casa en Sheffield. En plegar-ie conoix a Rebeca, la filla d'Isaac, qui l'aduya con as suyas choyas ta que pueda mercar una armadura y partecipar en un important torneu; ista s'enamora d'él, pero Ivanhoe no li correspon, en estar él enamorau de Rowena. Tanimientres, con a mediación de Rebeca y Ivanhoe los chodigos acceden a financiar o rescate d'o rei. Pero Chuan Sin Tierra ordena lo secuestro de Rebeca y demana por ella un rescate de 100.000 marcos, sabendo que lo chodigos no pueden financiar toz dos rescates.

A cinta s'ambienta en o sieglo XII en Austria y en Anglaterra (incluyindo-ie as localidaz de Sheffield, Ashby-de-la-Zouch y York, y las suyas escenas se filmoron en os MGM British Studios en Hertfordshire en Anglaterra y en Karneid, Lana y Sterzing en a provincia autonoma de Bozen en Italia.[2]

Se tracta d'una cinta que recibió bellas nominacions a premios cinematograficos, en destacando tres nominacions a los Premios Oscar en a suya 25ena edición (Millor Cinta, Millor Fotografía en Color y Millor Banda Sonora Orichinal) y dos nominacions a los Premios Globos d'Oro (Millor Cinta Promotora de l'Entendimiento Mundial y Millor Fotografía) en a suya 10ena edición.

Elenco[3][editar | modificar o codigo]

Actor Papel Notas
'

Se veiga tamién[editar | modificar o codigo]

Referencias[editar | modificar o codigo]