Isla d'Irlanda

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre a isla d'Irlanda, ta o país d'o mesmo nombre, se veiga Irlanda.
A isla d'Irlanda.

A isla d'Irlanda (Éire en irlandés, Ireland en anglés, Airlann en escocés d'Ulster, Hibernia en latín), ye una isla situata en o continent europeu que fa parte d'as islas britanicas y que, con una superficie de 81.638,10 km² ye a tercera isla europea por a suya superficie, dezaga d'a isla de Gran Bretanya y d'Islandia. Tamién ye, por a suya superficie, a segunda d'as islas britanicas, dezaga d'a isla de Gran Bretanya. Se troba situata en Europa Occidental, entre a mar d'Irlanda a l'este (mar que la desepara d'a isla de Gran Bretanya) y l'Oceano Atlantico a l'ueste.

Dende o punto d'anvista politico, a isla d'Irlanda se troba dividita entre o país independient d'Irlanda (que ocupa a suya mayor parte) y Irlanda d'o Norte, que fa parte d'o Reino Uniu, deseparación politica existent nomás que dende a independencia d'Irlanda, que d'antis mas estió una colonia britanica. A suya población ye de 6.300.000 habitants (2006), con 4.450.000 habitants en Irlanda (1.750.000 en Dublín y a suya aria metropolitana) y una mica mas d'1.700.000 habitants en Irlanda d'o Norte.

Ni bi ha alcuerdo entre os especialistas sobre l'orichen etimolochico d'o suyo nombre: ta beluns, tien o suyo orichen en un teonimo, en derivar o suyo nombre d'a diosa Ériu (Éire en irlandés) d'a mitolochía celta, una d'as Tuatha Dé Danann, adibindo-ie a palabra chermanica land ("tierra" en aragonés, con o sentito de país); ta atros, o suyo orichen se troba en a palabra d'o griego antigo ιρις ("iris" en aragonés).

Vinclos externos[editar | modificar o codigo]