Canción
- No entivocar-se con canta.
Una canción u canzón ye una composición y un chenero musical, con parti vocal, a sobén acompanyata con un u mas instrumentos musicals. Por un regular, as cancions tienen una durada curta, y a parti vocal gosa cantar un texto de tipo poetico. Tienen a ormino un caracter mas popular que atros cheneros musicals, encara que bells tipos han trespasato a esfera d'a musica popular y a tradicional y fan parti d'a musica clasica.
Entre os tipos especials de cancions se troban por eixemplo os himnos, muitos d'ells cancions nacionals d'un país u d'atro grupo de personas (equipes esportivos, interpresas...) u as cancions de cuna que les cantan a os ninos t'adormir-se
En a musica popular actual, a estructura tipica d'una canción prencipia con una introducción, dimpués contina con una alternancia entre estrofas y estrebiello (o estrebiello ye a parti que se repite y que ye o que a sobén identifica a canción), l'antiestrebiello (o estrebiello con una variación, por eixemplo a un ritmo mas lento), y o clímax final.