Idioma frisón

De Biquipedia
Ir a la navegación Ir a la búsqueda
Frisón
Frysk
Atras denominacions: {{{atras denominazions}}}
Parlato en: Flag of the Netherlands.svg Países Baixos
Flag of Denmark.svg Dinamarca
Flag of Germany.svg Alemanya
Rechión: {{{rechión}}}
Parladors: 400.000
Posición: [1] (Ethnologue 1996)
Filiación chenetica: Indoeuropea

 Chermanica
  Occidentals
   Anglo-frisonas
    Frisón

Estatus oficial
Oficial en: Frisian flag.svg Frisia
Luenga propia de: {{{propia}}}
Reconoixito en: {{{reconoixito}}}
Regulato por: No ye regulato
Codigos
ISO 639-1 fy
ISO 639-2 fry
ISO 639-3 [2]
SIL
Frisian languages in Europe.svg
Luengas frisonas

   Frisón occidental

   Frisón septentrional

   Frisón oriental

O frisón ye una luenga u conchunto de luengas chermanicas que se charran en os Países Baixos y tamién en bellas rechions de Dinamarca y Alemanya, chunto a la mar d'o Norte. En istas dos zagueras zonas se tracta de variedatz quasi amortadas, fabladas nomás que por chent gran.

Perteneixe a la branca occidental d'as luengas chermanicas y ye a luenga mas amanada a l'anglés y a l'anglico escocés. O motivo ye que istas dos zagueras luengas son derivación de l'amalgama d'as luengas d'os anglos, os saxons y os chutos, que charraban a mesma luenga (u muit amanada) que a luenga que charraban os antigos frisons y d'a que en desciende l'actual luenga frisona.

Historia[editar | editar código]

Os documentos oficials mas antigos escritos en frisón estioron escritos en o sieglo XI, en a variant dita antigo frisón, que dica l'anyo 1500 se convierte en o frisón medieval y a partir de 1800 evoluciona a o frisón moderno, que ye parlau actualment.

O frisón ye una luenga relativament pareixida a l'anglés, perteneixient a o grupo anglo-frisón, aintro d'a branca occidental d'as luengas chermanicas. O idioma poseye parolas pareixitas a las anglesas, como a parola "mocet" (boi en frisio y boy en anglés).

Dende comencipios d'o sieglo XIX pareixeba que a luenga desapareixería en os Países Baixos debant de l'avance y espardidura d'o neerlandés pero con o romanticismo surchió o intrés por a vida local y se creyoron sociedatz ta a preservación d'a cultura y o idioma frisio. Os obchectivos d'iste movimiento se fuoron alcanzando, mas que mas en Frisia.

En 1937 a luenga yera optativa en as escuelas primarias. A l'anyo siguient s'establió l'Academia d'o frisón, publicando-se a Biblia en ista luenga.

División[editar | editar código]

Existen tres variedatz d'a luenga frisona: frisón occidental, frisón oriental y frisón septentrional. Bells lingüistas consideran que istas tres variedatz, a tamas d'a suya no intelichibilidat mutua, son dialectos d'una sola luenga frisona, mientres que atros, incluyius os suyos fablants, afirman que son tres idiomas diferents. O frisón occidental ye muit influyenciau por o neerlandés y, igual que ista zaguera luenga, se describe como un idioma "entre" l'anglés y l'alemán. Tanimientres as atras variedatz frisonas tienen influyencias de l'alemán, o baixo alemán y o danés. O frisón septentrional ye especialment trestallau en quantos dialectos prou diferents entre sí. O Stadsfries no ye frisón, so que un dialecto neerlandés influyenciau por o frisón. O frisón se diz Frysk en frisón occidental, Fräisk en frisón oriental y Frasch, Fresk, Freesk u Friisk en os dialectos d'o frisón septentrional.

A situación d'a luenga en a provincia neerlandesa de Groningen y a rechión alemana de Frisia Oriental ye mos complexa: os subdialectos locals d'o baixo saxón, o Gronings y o baixo saxón de Frisia Oriental son una mezcla d'o frisón y os dialectos baixosaxons. Se creye que o frisón i estió charrau d'antis mas y que se reeplazó gradualment por a luenga d'a ciudat de Groningen. Ista variedat local ye actualment en proceso de reemplazo por o neerlandés estándar.

Se veiga tamién[editar | editar código]

Wikipedia
Ista luenga tien a suya propia Wikipedia. Puetz vesitar-la y contribuir en Wikipedia en Idioma frisón.


Familia chermanica
- Diasistema norrén occidental: Islandés | Feroés | Norn | Noruego (Nynorsk)
- Diasistema norrén oriental: Noruego (Bokmål) | Danés | Sueco | Gotlandés
- Diasistema occidental anglico: Anglés | Escocés
- Diasistema occidental frisón: Frisón occidental | Frisón septentrional | Frisón oriental
- Diasistema occidental baixo franco: Afrikaans | Neerlandés
- Diasistema occidental baixo alemán: Baixo alemán
- Diasistema occidental alto alemán: Alemán estándar | Alamanico | Baverán | Limburgués | Luxemburgués | Yídix
- Diasistema oriental: Gotico