Romanticismo
Se conoix con o nombre de Romanticismo a un movimiento cultural orichinato en os estatos d'Alemanya en zaguerías d'o sieglo XVIII, en primeras nomás que en o campo d'a Literatura pero que dimpués s'estendilló enta d'atras arias artisticas, dende a Musica dica la Pintura en pasando por l'Arquitectura, y que mesmo teneba implicacions en o campo d'a Politica. Fácil que fuese una reacción a o racionalismo que dominaba en a Ilustración y en o neoclasicismo, refirmando a importancia d'os sentimientos.
Encara que naixito d'Alemanya, s'estendilló arredol de toda Europa, dende Francia u Italia dica Espanya u Polonia, plegando luego en America d'o Sud y America d'o Norte y tenendo una ampla importancia en o campo politico a traviés d'a exaltación d'o nacionalismo, fendo asinas parte d'os movimientos revolucionarios en a Europa d'o sieglo XIX y d'o liberalismo.
En o campo musical destacan como compositors romanticos Ludwig van Beethoven (1770-1827), Franz Schubert (1797-1828), Felix Mendelssohn (1809-1847), Frédéric Chopin (1810-1849), Robert Schumann (1810-1856), Anton Bruckner (1824-1896), Johannes Brahms (1833-1897), Gustav Mahler (1860-1911) u Serguei Rakhmaninov.
En o campo d'a Literatura destacan presonalidatz como Gustavo Adolfo Bécquer, Lord Byron, Johann Wolfgang von Goethe, Victor Hugo, Mariano José de Larra, Edgar Allan Poe, Mary Shelley, Jacint Verdaguer u José Zorrilla.
Se veiga tamién[editar | modificar o codigo]
- Arquitectura romantica.
- Escultura romantica.
- Literatura romantica.
- Musica romantica.
- Pintura romantica.
Vinclos externos[editar | modificar o codigo]
Se veigan as imachens de Commons sobre Romanticismo.
